Before Header

ବାର୍ଡ ଫ୍ଲୁ ରେ ୧୧ ବର୍ଷୀୟ ବାଳକର ମୃତ୍ୟୁ

0 69

ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ସାରାଦେଶ କରୋନାକୁ ନୋଇ ଚିନ୍ତାରେ ଥିବାବେଳେ ଆଉ ଏକ ଖରାପ ଖବର ସାମ୍ନାକୁ ଆସିଛି । କରୋନାର ଦ୍ବିତୀୟ ଲହରରୁ ମୁକୁଳୁଥିବା ବେଳେ  ତୃତୀୟ ଲହର ଆଶଙ୍କା ବଢ଼ିଯାଇଛି । ତେବେ ଏହାରି ଭିତରେ ମଙ୍ଗଳବାର ଭାରତରେ ବାର୍ଡ ଫ୍ଲୁ ରେ ୧୧ ବର୍ଷୀୟ ବାଳକର ମୃତ୍ୟୁ ହୋଇଛି ।  ବାର୍ଡ ଫ୍ଲୁ ରେ ପ୍ରଥମ ମୃତ୍ୟୁ ଘଟିଛି । ଏହାପରେ ରୋଗୀଙ୍କ ସମ୍ପର୍କରେ ଆସିଥିବା ଦିଲ୍ଲୀ ଏମ୍ସର ସମସ୍ତ ଡାକ୍ତର ଏବଂ କର୍ମଚାରୀଙ୍କୁ ଆଇସୋଲେଟ୍‌ କରାଯାଇଛି।

ସେପଟେ କେରଳେ ଜିକା ଭାଇରସ୍‌ ସଂକ୍ରମଣ ସରକାରଙ୍କ ଚିନ୍ତା ବଢ଼ାଇଛି। ଏବେ ବାର୍ଡ ଫ୍ଲୁରେ ବାଳକର ମୃତ୍ୟୁ ପରେ ସରକାରଙ୍କ ଆଉ ଏକ ଚିନ୍ତା ବଢିଯାଇଛି । ତେବେ ଦେଶର ଦିଲ୍ଲୀ ସମେତ ୮ଟି ରାଜ୍ୟ କେରଳ, ରାଜସ୍ଥାନ, ମଧ୍ୟପ୍ରଦେଶ, ହିମାଚଳ ପ୍ରଦେଶ, ଗୁଜରାଟ ଏବଂ ହରିଆଣାରେ ବାର୍ଡ ଫ୍ଲୁ ଚିହ୍ନଟ ହେବା ପରେ କେନ୍ଦ୍ର ସରକାର ସତର୍କ ସୂଚନା ଜାରି କରିଥିଲେ ।

Leave A Reply

Your email address will not be published.