‘ଆନ୍ଧ୍ର ପୋଲିସ ଗୋ ବ୍ୟାକ’: ଧର୍ମେନ୍ଦ୍ର ପ୍ରଧାନ
ସେମିଳିଗୁଡ଼ା(ବଡ଼ ଖବର ବ୍ୟୁରୋ): ଆନ୍ଧ୍ରକୁ କେନ୍ଦ୍ରମନ୍ତ୍ରୀଙ୍କ ଚେତାବନୀ । ‘ଆନ୍ଧ୍ର ପୋଲିସ ଗୋବ୍ୟାକ’ର ନାରା ଦେଲେ ଧର୍ମେନ୍ଦ୍ର ପ୍ରଧାନ । କହିଲେ, କୋଟିଆ ଆନ୍ଧ୍ରର ନୁହେଁ ଓଡ଼ିଶାର । ଦିନିକିଆ କୋଟିଆ ଗସ୍ତରେ ଯାଇ ସେଠାରେ ଉତ୍କଳ ଦିବସ ପାଳନ କରିଛନ୍ତି କେନ୍ଦ୍ରମନ୍ତ୍ରୀ । ଏହି ଅବସରେ ଦୀର୍ଘ ଦିନରୁ ବିବାଦ ଲାଗି ରହିଥିବା କୋଟିଆରେ ପହଞ୍ଚି ସିଧାସଳଖ ଚେତାବନୀ ଦେଇଛନ୍ତି । ଏଥିସହ ସୀମା ବିବାଦ ଉପରେ ଓ ଅନ୍ୟାନ୍ୟ ବିଷୟରେ ଗ୍ରାମବାସୀଙ୍କ ସହିତ ଆଲୋଚନା କରିଛନ୍ତି । କେନ୍ଦ୍ରମନ୍ତ୍ରୀଙ୍କ ସହ ରହିଥିଲେ ୬ ଜଣ ବିଜେପି ବିଧାୟକ । ସେହିପରି ଗଞ୍ଜେଇପଦର ଗ୍ରାମରେ ବିଜେଡି ଆଜି ୮୮ତମ ଉତ୍କଳ ଦିବସ ପାଳନ କରିଛି ।