୨ ଶିକାରୀ ଗିରଫ, ୩୦ କେଜି ମାଂସ ଜବତ

ଅନୁଗୁଳ (ବଡ଼ ଖବର ବ୍ୟୁରୋ): ବନ୍ୟପ୍ରାଣୀ ଶିକାର ଅଭିଯୋଗରେ ପୁରୁଣାକୋଟ ଥାନା ହିଞ୍ଜାଗୋଳ ଗାଁର ୨ ଶିକାରୀଙ୍କୁ ଗିରଫ କରିଛି ବନ ବିଭାଗ । ସାତକୋଶିଆ ଅଭୟାରଣ୍ୟର ପମ୍ପାସର ବନାଞ୍ଚଳ ଟାଇଁସି ସଂରକ୍ଷିତ ଜଙ୍ଗଲ କମ୍ପାଟମେଣ୍ଟ-୭ରେ ବନ୍ୟପ୍ରାଣୀ ଶିକାର ହୋଇଥିବା କୁହାଯାଇଛି । ଗିରଫ ୨ ଅଭିଯୁକ୍ତ ଅଶୋକ ବର୍ଗିଆ ଓ ରବୀନ୍ଦ୍ର ଦେହୁରୀ ଏକ ବାରାହ ଶିକାର କରି ମାଂସ କାଟୁଥିବା ବେଳେ ବନ ବିଭାଗ ଚଡ଼ାଉକରି ୩୦ କେଜି ବାରାହ ମାଂସ ଜବତ କରିଛି । ସେମାନଙ୍କ ନିକଟରୁ ବାରାହ ମୁଣ୍ଡ, ଗୋଡ଼,ଏକ ଟାଙ୍ଗିଆ,୨ କଟୁରି,୨ ରସି ଜବତ କରାଯାଇଛି ।