ଅନନ୍ତନାଗରେ ଆଉ ଜଣେ ଯବାନ ସହିଦ

ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ଜାମ୍ମୁ କାଶ୍ମୀର ଅନନ୍ତନାଗରେ ଆଉ ଜଣେ ଯବାନ ସହିଦ । ଆତଙ୍କବାଦୀଙ୍କ ସହ ଗୁଳିବିନିମୟରେ ଆଉ ଜଣେ ସହିଦ ହୋଇଛନ୍ତି । ସେନା ଓ ପୋଲିସ ପକ୍ଷରୁ ଏବେବି ସର୍ଚ୍ଚ ଅପରେସନ ଜାରି ରହିଛି । ଅନନ୍ତନାଗ କୋକେରନାଗରେ ୩ ଦିନରେ ୪ ଯବାନ ସହିଦ୍ ହୋଇଛନ୍ତି । ଗତ ୧୩ ତାରିଖରେ ୩ ସୁରକ୍ଷାକର୍ମୀ ସହିଦ ହୋଇଥିଲେ । ଏବେବି ୨ରୁ ୩ ଜଣ ଆତଙ୍କବାଦୀ ଲୁଚି ରହିଥିବା ସନ୍ଦେହ କରାଯାଉଛି । ଡ୍ରୋନ୍ ସାହାଯ୍ୟରେ ଆତଙ୍କବାଦୀଙ୍କ ଉପରେ ନଜର ରଖାଯାଉଛି ।

ପୁରା ଅଂଚଳକୁ ସେନା ଛାଉଣି କରାଯାଇଛି । ପାହାଡ ଉପରେ ସଶକ୍ତ ହେରୋନ୍ ଡ୍ରୋନ୍ ଘୁରିବୁଲୁଥିବାବେଳେ ଚାରିଆଡେ ପାରା କମାଣ୍ଡୋ ଛାଉଣୀ ହୋଇଛନ୍ତି । ଜମ୍ମୁକାଶ୍ମୀର ଡିଜିପି ଦିଲବାଜ୍ ସିଂହ ଓ ଏଡିଜିପି ବିଜୟ କୁମାର କହିଛନ୍ତି , ‘ସେନା ପୁରା ଆକ୍ସନ ମୋଡରେ ଅଛି । ଶୁକ୍ରବାର ଶେଷ ସୁଦ୍ଧା ସମସ୍ତ ଆତଙ୍କବାଦୀଙ୍କୁ ନିପାତ କରିବାକୁ ଆମେ ପଣ କରିଛୁ’ ।