ଏଣିକି ଆର୍ୟନ ଖାନ ମାମଲାକୁ ଯାଞ୍ଚ କରିବେନି ସମୀର ୱାଙ୍ଖଡେ

ମୁମ୍ବାଇ(ବଡ଼ ଖବର ବ୍ୟୁରୋ): ମୁମ୍ବାଇ କ୍ରୁଜ ଡ୍ରଗ୍ସ ମାମଲାରେ ଦିନକୁ ଦିନ ନୂଆ ତଥ୍ୟ ସାମ୍ନାକୁ ଆସୁଛି । ତେବେ ଆର୍ୟନ ଖାନ ଡ୍ରଗ୍ସ ମାମଲାର ତଦନ୍ତ କରୁଥିବା ନାର୍କୋଟିକ୍ସ କଣ୍ଟ୍ରୋଲ ବ୍ୟୁରୋ ଟିମର ନେତୃତ୍ୱରୁ ସମୀର ୱାଙ୍ଖଡେଙ୍କୁ ହଟାଇ ଦିଆଯାଇଛି । ସେପଟେ ସମୀର ୱାଙ୍ଖଡେ ଆର୍ୟନ ଖାନ ଡ୍ରଗ୍ସ ମାମଲାରେ ୮ କୋଟି ଟଙ୍କା ଲାଞ୍ଚ ନେଉଥିବାର ଅଭିଯୋଗ ହୋଇଛି ।

ୱାଙ୍ଖଡେଙ୍କୁ ହଟାଇବା ପରେ ବରିଷ୍ଠ ପୁଲିସ ଅଧିକାରୀ ସଞ୍ଜୟ ସିଂହଙ୍କ ନେତୃତ୍ୱରେ ମାମଲାର ତଦନ୍ତ ଏସଆଇଟିକୁ ହସ୍ତନ୍ତର କରାଯାଇଛି । ଅନ୍ୟପଟେ ସମୀର ୱାଙ୍ଖଡେଙ୍କ ବିରୋଧରେ ଆସିଥିବା ଅଭିଯୋଗର ଯାଞ୍ଚ ପାଇଁ ସେ ନିଜେ ହାଇକୋର୍ଟରେ ଆବେଦନ କରିଛନ୍ତି । ଏହାକୁ ଭିତ୍ତି କରି ଦିଲ୍ଳୀର ଜଣେ ବରିଷ୍ଠ ଅଧିକାରୀଙ୍କ ନେତୃତ୍ୱରେ ଏକ ଏସଆଇଟି ଗଠନ କରାଯାଇଛି ।