ବାଚସ୍ପତିଙ୍କ କରୋନା ଟେଷ୍ଟ

ଭୁବନେଶ୍ୱର (ବଡ଼ ଖବର ବ୍ୟୁରୋ): ଆସନ୍ତା ୨୦ ତାରିଖରେ ବସିବ ଓଡ଼ିଶା ବିଧାନସଭାର ଶୀତକାଳୀନ ଅଧିବେସନ । କରୋନା କଟକଣା ଭିତରେ ଚାଲିବ ଅଧିବେସନ । ପୂର୍ବ ଅଧିବେସନରେ ୬୦ ବର୍ଷରୁ ଅଧିକ ସଦସ୍ୟମାନେ ଯୋଗଦେଇନଥିଲେ । ସେମାନେ ଘରେ ରହି ଇଣ୍ଟରନେଟ୍ ମାଧ୍ୟମରେ କାର୍ଯ୍ୟ ତୁଳାଇଥିଲେ ।

କରୋନା ନିୟମ ଅନୁସାରେ, ଆଜିଠାରୁ ୩ ଦିନ ପର୍ଯ୍ୟନ୍ତ ଚାଲିବ କୋଭିଡ୍ ଟେଷ୍ଟ । ଆଜି ସକାଳେ ଏହି ପ୍ରକ୍ରିୟା ଆରମ୍ଭ ହୋଇଛି । ପ୍ରଥମେ ବାଚସ୍ପତି ସୂର୍ଯ୍ୟନାରାୟଣ ପାତ୍ରଙ୍କ ନମୁନା ସଂଗ୍ରହ କରାଯାଇଛି । ପରେ ମନ୍ତ୍ରୀ ଓ ବିଧାୟକମାନଙ୍କର ନମୁନା ସଂଗ୍ରହ କରାଯାଉଛି । ଏପରିକି ବିଧାନସଭାର ବିବରଣୀ ସଂଗ୍ରହ ପାଇଁ ଅନୁମତି ପାଇଥିବା ସାମ୍ବାଦିକମାନଙ୍କର ମଧ୍ୟ କରୋନା ଟେଷ୍ଟ କରାଯିବ । ବିଧାନସଭା କର୍ମଚାରୀମାନେ ମଧ୍ୟ ଏଥିରୁ ବାଦ ଯାଇନାହାନ୍ତି । ୩ ଦିନ ମଧ୍ୟରେ ସରିବ ଏହି ପ୍ରକ୍ରିୟା । ଯେଉଁମାନଙ୍କର ରିପୋର୍ଟ ନେଗେଟିଭ୍ ଆସିବ ସେମାନେ ବିଧାନସଭା ଅଧିବେସନରେ ଭାଗନେଇ ପାରିବେ ବୋଲି ବାଚସ୍ପତି କଡ଼ା ନିର୍ଦ୍ଦେଶ ଦେଇଛନ୍ତି ।