ଡି’ବ୍ରଦର୍ସଙ୍କ ଘନିଷ୍ଠ ସହଯୋଗୀ ଦିଲୁ ଗିରଫ

କଟକ (ବଡ଼ ଖବର ବ୍ୟୁରୋ): କମିଶନରେଟ ପୋଲିସକୁ ବଡ଼ ସଫଳତା। ବହୁ ଚର୍ଚ୍ଚିତ ଦିପୁ-ଓମ ଅପହରଣ ପରେ ହତ୍ୟାକାଣ୍ଡ ଘଟଣାରେ ଫେରାର ଅଭିଯୁକ୍ତକୁ ଧରିଲା ପୋଲିସ । ଅଭିଯୁକ୍ତ ପ୍ରଦୀପ ସାହୁକୁ ଗିରଫ କରିଛି କମିଶନରେଟ ପୋଲିସ । ଧଳ ସାମନ୍ତର ସହଯୋଗୀ ପ୍ରଦୀପ କୁମାର ସାହୁ ଓରଫ ଦିଲୁ ଦୀର୍ଘ ପାଞ୍ଚ ବର୍ଷ ହେବ ଫେରାର ଥିଲା ।

ଦିଲୁକୁ ରାୟଗଡ଼ାରୁ ଗିରଫ କରାଯାଇଛି। ତା ଠାରୁ ଗୋଟିଏ ବନ୍ଧୁକ ଏବଂ ୬ ଟି ଗୁଳି ଜବତ ହୋଇଛି। ଧଳ ସାମନ୍ତର ଡାହାଣ ହାତ ଭାବେ କାମ କରୁଥିଲା ଅଭିଯୁକ୍ତ । ପୂର୍ବରୁ ଧଳସାମନ୍ତ ଓ ତାର ଅନେକ ସହଯୋଗୀ ହତ୍ୟା କାଣ୍ଡ ଘଟଣାରେ ଜେଲରେ ଅଛନ୍ତି।୨୦୧୬ ମସିହା ଓମ ଦିପୁକୁ ଘରୁ ଅପହରଣ କରି ହତ୍ୟା କରିଥିଲେ ଅଭିଯୁକ୍ତ।