ଫିଟିଲା ସମାଧାନ ବାଟ, ନିର୍ବାଚନ ପର୍ଯ୍ୟନ୍ତ ସଭାପତି ରହିବେ ସିଦ୍ଧୁ

(ବଡ଼ ଖବର ବ୍ୟୁରୋ): ପଞ୍ଜାବ ବିଧାନସଭା ନିର୍ବାଚନ ପର୍ଯ୍ୟନ୍ତ ପିସିସ ସଭାପତି ପଦରେ ସିଦ୍ଧୁ ରହିବେ । ଗୁରୁବାର ସିଦ୍ଧୁ ଓ ମୁଖ୍ୟମନ୍ତ୍ରୀ ଚନ୍ନିଙ୍କ ମଧ୍ୟରେ ହୋଇଥିବା ଆଲୋଚନା ପରେ ଏଥିନେଇ ସିଦ୍ଧୁ ନିଜର ସହମତି ପ୍ରକାଶ କରିଛନ୍ତି । ଏହା ସହ ତାଙ୍କର ଦାବି ମୁତାବକ ଡିଜିପି ଓ ଆଡଭୋକେଟ ଜେନେରାଲଙ୍କୁ ପରିବର୍ତ୍ତନ କରାଯିବ ବୋଲି ମୁଖ୍ୟମନ୍ତ୍ରୀ ସମ୍ମତ ହୋଇଥିବା ଜଣାପଡ଼ିଛି ।

ଚନ୍ନିଙ୍କ ଜଣେ ବିଶ୍ୱସ୍ତ ସହଯୋଗୀ କହିଛନ୍ତି ସିଦ୍ଧୁଙ୍କ ସର୍ତ୍ତ ମାନିବାକୁ ମୁଖ୍ୟମନ୍ତ୍ରୀ ରାଜି ହୋଇଛନ୍ତି । ଏନେଇ ବୁଝାବଣା ସମ୍ପର୍କରେ ଦିଲ୍ଲୀରେ ସବିଶେଷ ତଥ୍ୟ ଦିଆଯିବ । ସେ ଦଳ ପାଇଁ ସବୁ ତ୍ୟାଗ କରିବାକୁ ପ୍ରସ୍ତୁତ ବୋଲି କରିଛନ୍ତି । ସେପଟେ ବୁଧବାର ମଧ୍ୟ ମୁଖ୍ୟମନ୍ତ୍ରୀ ଚନ୍ନି ସିଦ୍ଧୁଙ୍କୁ ଭେଟି ତାଙ୍କୁ ଇସ୍ତଫା ପ୍ରତ୍ୟାହାର ଲାଗି ମନାଇବାକୁ ଚେଷ୍ଟା କରିଥିଲେ। କିନ୍ତୁ ସିଦ୍ଧୁ ଜିଦରେ ଅଟଳ ଥିଲେ ଏବଂ ଇସ୍ତଫା ପ୍ରତ୍ୟାହାର କରିବାକୁ ରାଜି ହୋଇନଥିଲେ ।