ଦାୟିତ୍ୱ ନେବା ପରେ ଆକ୍ସନ ମୋଡ଼ରେ ଅଶ୍ୱିନୀ ବୈଷ୍ଣବ

ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ଏଣିକି ରେଳ ମନ୍ତ୍ରାଳୟରେ ଦୁଇଟି ସିଫ୍ଟରେ କାମ କରିବେ କର୍ମଚାରୀ । ଦାୟିତ୍ୱ ନେଉ ନେଉ ଆକ୍ସନ ମୋଡ଼କୁ ଆସିଛନ୍ତି ରେଳ ମନ୍ତ୍ରୀ ଅଶ୍ୱିନୀ ବୈଷ୍ଣବ । ଅଫିସର କାର୍ଯ୍ୟାଳୟରେ କାମ କରୁଥିବା କର୍ମଚାରୀମାନେ ପ୍ରଥମ ସିଫ୍ଟରେ ସକାଳ ୭ରୁ ଅପରାହ୍ନ ୪ଟା ପର୍ଯ୍ୟନ୍ତ କାମ କରିବେ । ସେହିପରି ଦ୍ୱିତୀୟ ସିଫ୍ଟର କର୍ମଚାରୀ ଅପରାହ୍ନ ୩ଟାରୁ ରାତି ୧୨ଟା ପର୍ଯ୍ୟନ୍ତ କାର୍ଯ୍ୟ କରିବେ । ଏହି ନିୟମକୁ ତୁରନ୍ତ ଲାଗୁ କରିବାକୁ ରେଲୱେ ଏଡିଜି ଡ. ନାରାୟଣଙ୍କ ପକ୍ଷରୁ ନୋଟିସ ଜାରି କରାଯାଇଛି ।

ତେବେ ଏହି ନିୟମ ଚୁକ୍ତି ଭିତ୍ତିକ କର୍ମଚାରୀ ଓ ଅନ୍ୟାନ୍ୟ ରେଲୱେ ଷ୍ଟାଫଙ୍କ ପାଇଁ ଲାଗୁ ହେବ ନାହିଁ । ତେବେ ଅଶ୍ୱିନୀ ବୈଷ୍ଣବଙ୍କୁ ରେଳ ମନ୍ତ୍ରାଳୟ ସହିତ ଆଇଟି ମନ୍ତ୍ରାଳୟର ଦାୟିତ୍ୱ ମିଳିଛି । ବୁଧବାର ଶପଥ ପାଠ କରିବା ସହିତ ଗୁରୁବାର ମନ୍ତରାଳୟର ଦାୟିତ୍ୱ ନେଇଛନ୍ତି ଅଶ୍ୱିନୀ ବୈଷ୍ଣବ । ଆଉ ଦାୟିତ୍ୱ ନେବା ପରେ ଏବେ ଆକ୍ସନ ମୋଡ଼ରେ ଅଛନ୍ତି ଅଶ୍ୱିନୀ ।