ବାଲେଶ୍ୱର ଜିଲ୍ଲାର ୨ଟି ସ୍ଥାନରେ ଏଟିଏମରୁ ଲୁଟ୍
ସୋରୋ (ବଡ଼ ଖବର ବ୍ୟୁରୋ): ଗ୍ୟାସ କଟରରେ ଏଟିଏମକୁ କାଟି ଲୁଟ । ୩୨ଲକ୍ଷରୁ ଅଧିକ ଟଙ୍କା ଲୁଟିନେଲେ ଲୁଟେରା । ବାଲେଶ୍ୱର ଜିଲ୍ଲା ଖଇରା ତୁଡ଼ିଗଡିଆ ବଜାର ଥିବା ଏକ୍ସିସ ବ୍ୟାଙ୍କରୁ ଗତକାଲି ବିଳମ୍ବିତ ରାତିରେ ଦୁଇଟି ଗାଡିରେ ୬ରୁ ଅଧିକ ଲୁଟେରା ଆସିଥିବା ନେଇ ସ୍ଥାନୀୟ ଲୋକମାନେ ସୂଚନା ଦେଇଛନ୍ତି । ଲୁଟରେମାନେ ବିଳମ୍ବିତ ରାତିରେ ଗ୍ୟାସ କଟର ମାଧ୍ୟମରେ ଏଟିମକୁ ତାଡି ଏଟିମରେ ଥିବା ୨୦ଲକ୍ଷ ଟଙ୍କା ଲୁଟ ହୋଇଥିବା ନେଇ ସୂଚନା ମିଳିଛି ।
ଲୁଟ ପରେ ଲୁଟେରାମାନେ ଦୁଇଟି ବୋମା ଫୁଟାଇଥିବା ନେଇ ସ୍ଥାନୀୟ ବାସିନ୍ଦାମାନେ କହିଛନ୍ତି । ସ୍ଥାନୀୟ ଲୋକ ଉଠିବାରୁ ଲୁଟେରାମାନେ ଗାଡି ନେଇ ଫେରାର ହୋଇଯାଇଥିଲେ । ଲୋକ ମାନେ ପୋଲିସକୁ ଖବର ଦେବା ପରେ ପୋଲିସ ପହଁଚି ଛାନଭିନ ଆରମ୍ଭ କରିଛି । ସେହିପରି ସୋର ମଙ୍ଗଳପୁର ବଜାର ରେ ଥିବା ପିଏନବିରୁ ମଧ୍ୟ ଗତକାଲି ବିଳମ୍ବିତ ରାତିରେ ଗ୍ୟାସ କଟର ରେ କାଟି ୧୨ ଲକ୍ଷ ଟଙ୍କା ଚୋରି ହୋଇଥିବା ଜଣା ପଡିଛି। ସୋର ପୋଲିସ ଖବର ପାଇ ତଦନ୍ତ କରୁଛନ୍ତି।