ଆଖି ଅପରେସନ ବାହାନାରେ ବୃଦ୍ଧାଙ୍କୁ ଅପହରଣ ଉଦ୍ୟମ
ଏରସମା (ବଡ଼ ଖବର ବ୍ୟୁରୋ): ଆଖି ଅପରେସନ ବାହାନାରେ ବୃଦ୍ଧାଙ୍କୁ ଅପହରଣ ଉଦ୍ୟମ । ଉତ୍ତ୍ୟକ୍ତ ଗ୍ରାମବାସୀଙ୍କ ଦ୍ବାରା ଗାଡ଼ି ଅଟକ। ଏରସମା ଥାନା ନୂଆଡ଼ିହି ପଞ୍ଚାୟତ ନୂଆଡିହି ଗ୍ରାମର ଦେଖିବାକୁ ମିଳିଛି ଏହି ଦୃଶ୍ୟ । ଗ୍ରାମର ବିଦୁଲତା ମାଲିକଙ୍କୁ ସାନଭି ଆଇ ହସପିଟାଲ ତିର୍ତ୍ତୋଲ ପକ୍ଷରୁ ଏକ ଗାଡ଼ିରେ ତାଙ୍କୁ ଆଖି ଅପରେସନ କରାଇବା ବାହାନା ଦେଖାଇ ନେଇଯାଉଥିଲେ । ଠିକ ସମୟରେ ଗ୍ରାମବାସୀମାନେ ଗାଡ଼ିକୁ ଅଟକାଇଥିଲେ ।
ପରେ ପୋଲିସ ହେଲ୍ପଲାଇନ ୧୧୨କୁ କଲ କରିଥିଲେ । ଏରସମା ଥାନା ପୋଲିସ ନୂଆଡିହୀ ଗ୍ରାମରେ ପହଞ୍ଚି ଗାଡ଼ିକୁ ଜବତ କରିବା ସହିତ ଅଭିଯୁକ୍ତଙ୍କୁ ଥାନାକୁ ନେଇଥିବା ଜଣାପଡ଼ିଛି । ସୂଚନାଯୋଗ୍ୟ ସଂପୃକ୍ତ ବୃଦ୍ଧା ଜଣକ ମାନସିକ ଅନଗ୍ରସର ବୋଲି ପରିବାର ଓ ଗ୍ରାମବାସୀଙ୍କ ଠାରୁ ଜାଣିବାକୁ ମିଳିଛି ।