ସ୍ୱର୍ଗଦ୍ୱାରରେ ଲାଗିଲା କଟକଣା

ପୁରୀ(ବଡ଼ ଖବର ବ୍ୟୁରୋ): ସ୍ୱର୍ଗଦ୍ୱାରରେ ଶବଦାହରେ ଲାଗିଛି କଟକଣା । ବାହର ଜିଲ୍ଲା ଲୋକଙ୍କୁ ଶବଦାହ ପାଇଁ ବାରଣ କରାଯାଇଛି । ତେବେ କୋଭିଡ ରିପୋର୍ଟ ନେଗେଟିଭ ଥିଲେ ହିଁ ପୁରୀ ଜିଲ୍ଲାବାସୀ ସ୍ୱର୍ଗଦ୍ୱାରରେ ଶବ ଦାହ କରିପାରବେ ବୋଲି ନିର୍ଦ୍ଦେଶନାମା ଜାରୀ ହୋଇଛି । କୋଭିଡରେ ମୃତ୍ୟୁ ବରଣ କରିଥିବା ଲୋକଙ୍କ ଶବକୁ ସିପସରୁବାଲି ଅଞ୍ଚଳ ମଙ୍ଗଳାଘାଟ ନିକଟରେ ଦାହ କରାଯାଉଛି । ଏନେଇ ସୂଚନା ଦେଇଛନ୍ତି ପୁରୀ ଜିଲ୍ଲାପାଳ ସାମର୍ଥ ବର୍ମା ।
ଗତବର୍ଷ ମଧ୍ୟ କୋଭିଡ କେଶ ବଢିବା ପରେ ସ୍ୱର୍ଗଦ୍ୱାରରେ ଶବଦାହ ଉପରେ କଟକଣା ଜାରୀ କରାଯାଇଥିଲା । ଚଳିତ ବର୍ଷ ମଧ୍ୟ ଏହି କଟକଣା ଜାରି କରାଯାଇଛି । ଶନିବାର ଓ ରବିବାର ଭକ୍ତଙ୍କ ପାଇଁ ଶ୍ରୀମନ୍ଦିର ବନ୍ଦ ରହିଛି । ଆଜି ଶ୍ରୀମନ୍ଦିରକୁ ସାନିଟାଇଜ କରାଯାଇଛି । ପୁରୀକୁ ବେଙ୍ଗଲ ପର୍ଯ୍ୟଟକଙ୍କ ପ୍ରବେଶ ଉପରେ ରୋକ ଲଗାଇଛି ପ୍ରଶାସନ । ଏହାବାଦ ପାର୍କ ଉପରେ ମଧ୍ୟ କଟକଣା ଜାରି କରାଯାଇଛି ।