ବଡମ୍ବା (ବଡ଼ ଖବର ବ୍ୟୁରୋ): ରାତି ପାହିଲେ ରାଜ୍ୟରେ ତୃତୀୟ ପର୍ଯ୍ୟାୟ ମତଦାନ । ସରିଛି ସମସ୍ତ ପ୍ରସ୍ତୁତି। ଆସନ୍ତାକାଲି ରାଜ୍ୟରେ ୬ ଲୋକସଭା କଟକ, ଭୁବନେଶ୍ବର, ପୁରୀ, ଢେଙ୍କାନାଳ, କେନ୍ଦୁଝର, ସମ୍ବଲପୁର ସମେତ ଏହା ଅଧୀନରେ ଥିବା ୪୨ ବିଧାନସଭା ଆସନ ପାଇଁ ଭୋଟ ଗ୍ରହଣ ହେବ। ଚଳିତଥର କାହାକୁ ନେତା ବାଛିବେ ଜନତା ତାକୁ ନେଇ ଏବେ ଚର୍ଚ୍ଚା ବଢିଛି । ମୈଦାନରେ ତିନି ଦଳର ପ୍ରାର୍ଥୀ ରହିଛନ୍ତି ।
ତେବେ ସେପଟେ ବଡମ୍ବା ଟଙ୍କା ବଣ୍ଟାକୁ ନେଇ ଦେଖାଦେଇଛି ଉତ୍ତେଜନା । ପୂର୍ବତନ ଜିଲ୍ଲାପରିଷଦ ସଭ୍ୟାଙ୍କ ନିର୍ବାଚନ ସମୟରେ ଟଙ୍କା ବଣ୍ଟନକୁ ନେଇ ଉତ୍ତେଜନା ଦେଖାଦଇଛି । ବଡ଼ମ୍ବା ବିଧାନସଭାର ୧୯ନଂ ଜୋନର କାନପୁର ପଞ୍ଚାୟତରେ ବିଜେପି ବିଧାୟକ ପ୍ରାର୍ଥୀ ସମ୍ବିତ ତ୍ରିପାଠୀଙ୍କ ପାଇଁ ଟଙ୍କା ବାଣ୍ଟି ହଟହଟା ହୋଇଛନ୍ତି ପୂର୍ବତନ ଜିଲ୍ଲାପରିଷଦ ସଭ୍ୟା ଓ ତାଙ୍କ ସ୍ବାମୀ ।
