ବ୍ରାଉନସୁଗର ବେପାରୀଙ୍କ ଆଡ୍ଡା ପାଲଟିଛି ବାଲେଶ୍ୱର

ବସ୍ତା (ବଡ଼ ଖବର ବ୍ୟୁରୋ): ବ୍ରାଉନସୁଗର ବେପାରୀଙ୍କ ଆଡ୍ଡା ପାଲଟିଛି ବାଲେଶ୍ୱର । ଦିନକୁ ଦିନ ବ୍ରାଉନସୁଗର ବେପାରୀଙ୍କ ଦୌରାତ୍ମ୍ୟ ବଢିବାରେ ଲାଗିଛି । ପୁଣି ଜବତ ହୋଇଛି ବ୍ରାଉନସୁଗର । ବସ୍ତା ଥାନା ଅନ୍ତର୍ଗତ ବିଦ୍ୟାଧରପୁର ଗ୍ରାମରୁ ବ୍ରାଉନସୁଗର ଜବତ କରିଛି ପୋଲିସ । ଯାହାର ଆନୁମାନିକ ମୂଲ୍ୟ ୨ କୋଟି ଟଙ୍କା ହେବ ବୋଲି ଜଣାପଡ଼ିଛି ।

ବ୍ରାଉନସୁଗର ଜବତ କରିବା ସହିତ ୩ ଜଣ ବ୍ରାଉନସୁଗର ବେପାରୀଙ୍କୁ ଗିରଫ କରିଛି ପୋଲିସ । ଚଢଉ ପାଇଁ ଯାଇଥିବା ବେଳେ ପୋଲିସ ଗାଡିକୁ ଭାଙ୍ଗିଛନ୍ତି ବ୍ରାଉନସୁଗର ମାଫିଆ ଏବଂ ତାଙ୍କ ସହଯୋଗୀ ।