ଶେଷରେ ଆଖିବୁଜିଛି ଗଜରାଜ

ଭୁବନେଶ୍ୱର(ବଡ଼ ଖବର ବ୍ୟୁରୋ): ଫେଲ ମାରିଲା ଅପରେସନ ଗଜରାଜ । ମହାନଦୀର ମୁଣ୍ଡଳୀ ବ୍ୟାରେଜରେ ଫସିଥିବା ଦନ୍ତାହାତୀ ଶେଷରେ ଆଖିବୁଜିଛି । ସ୍ରୋତରେ ଭାସିଯାଇ ଗଜରାଜ ନୂଆ ଶାସନ ନିକଟରେ ଲାଗିଥିବାର ସୂଚନା ମିଳିଥିଲା । ହେଲେ ବର୍ତ୍ତମାନ ହାତୀର କୌଣସି ପତ୍ତା ମିଳୁନଥିବାର ଖବର ସାମ୍ନାକୁ ଆସିଛି । ଏନେଇ ୩ଟି ଓଡ୍ରାଫ ଟିମ ଖୋଜାଖୋଜି ଜାରି ରଖିଛନ୍ତି ।

ଅନ୍ୟପଟେ ଅପରେସନ ଗଜରାଜ ଅତ୍ୟନ୍ତ ହୃଦୟବିଦାରକ ଥିଲା । ଏହି ଅପରେସନରେ ଯୁବ ସାମ୍ବାଦିକ ଅରିନ୍ଦମ ଦାସଙ୍କ ମୃତ୍ୟୁ ହୋଇଥିବା ବେଳେ ନିଖୋଜ ଥିବା ଓଡ୍ରାଫ ସମସ୍ୟଙ୍କର ମଧ୍ୟ ମୃତ୍ୟୁ ଘଟିଛି । ସବୁଠାର ବିଡ଼ମ୍ବନାର ବିଷୟ ଯେ ଗଜରାଜକୁ ରକ୍ଷା କରିବା ପାଇଁ ଦୁଇ ଜଣଙ୍କ ମୃତ୍ୟୁ ଘଟିଥିବା ସତ୍ତ୍ୱେ ଗଜରାଜକୁ ଉଦ୍ଧାର କରିବାରେ ବିଫଳ ହୋଇଛନ୍ତି ।