କଙ୍ଗାରୁ ଉପରେ ଭାରି ରୋହିତ ବାହିନୀ

ନାଗପୁର(ବଡ଼ ଖବର ବ୍ୟୁରୋ):ନାଗପୁରରେ ଭାରତ ଓ ଅଷ୍ଟ୍ରେଲିଆ ମଧ୍ୟରେ ଖେଳାଯାଉଥିବା ବୋର୍ଡର ଗାଭାସ୍କର ଟ୍ରଫିର ପ୍ରଥମ ଟେଷ୍ଟର ଦ୍ୱିତୀୟ ଦିନ ଆୟୋଜକ ଭାରତ ନାମରେ ନାମିତ ହୋଇଛି । ଦ୍ୱିତୀୟ ଦିନରେ ଭାରତୀୟ ଦଳର ଅଧିନାୟକ ରୋହିତ ଶର୍ମା ଶତକ ହାସଲ କରିବା ସହିତ ଅନେକ ନୂଆ ରେକର୍ଡ ସୃଷ୍ଟି କରିଛନ୍ତି ।

ଦିନର ଶେଷ ଆଡକୁ ଅଷ୍ଟମ ୱିକେଟ୍ ପାଇଁ ରବିନ୍ଦ୍ର ଜାଡେଜା ଏବଂ ଅକ୍ଷାର ପଟେଲଙ୍କ ମଧ୍ୟରେ ୮୧ ରନ୍ ଭାଗିଦାରୀ ଫଳରେ ଭାରତୀୟ ଦଳ ଏହି ଟେଷ୍ଟରେ ଏକ ଦୃଢ଼ ସ୍ଥିତିରେ ପହଞ୍ଚିଛି। ଦ୍ୱିତୀୟ ଦିନର ଖେଳ ଶେଷ ହେବା ପରେ ଭାରତୀୟ ଦଳ ୭ ୱିକେଟ୍ ହରାଇ ୩୨୧ ରନ୍ ସଂଗ୍ରହ କରିଛି। ରବିନ୍ଦ୍ର ଜାଡେଜା ୬୬ ରନ ସ୍କୋର କରିଥିବା ବେଳେ ଅକ୍ଷର ପଟେଲ ୫୨ ରନ୍ ସଂଗ୍ରହ କରି ଅପରାଜିତ ରହିଥିଲେ। ପ୍ରଥମ ଇନିଂସ ଆଧାରରେ ଭାରତୀୟ ଦଳ ୧୪୪ ରନରେ ଆଗୁଆ ରହିଛି ।