ରେଙ୍ଗାଲି, ( ବଡ଼ ଖବର ବ୍ୟୁରୋ): କରୋନାରୁ ସୁସ୍ଥ ହୋଇ ପ୍ଲାଜ୍ମାଦାନ କଲେ ଭୁଷଣ ଷ୍ଟିଲ କର୍ମଚାରୀ । ସମ୍ବଲପୁର ଜିଲ୍ଲା ରେଙ୍ଗାଲି ବ୍ଲକ ଠେଲକୋଲେଇ ଭୂଷଣ ପାୱାର ଆଣ୍ଡ ଷ୍ଟିଲ ଲିମିଟେଡ କମ୍ପାନୀର ୯ ଜଣ କର୍ମଚାରୀ କରୋନା ମହାମାରୀରୁ ଆରୋଗ୍ୟା ହେବା ପରେ ପ୍ଲାଜାମା ଦାନ କରିଛନ୍ତି । କମ୍ପାନୀରେ କାର୍ୟ୍ୟରତ କର୍ମଚାରୀ ସନ୍ତୋଷ ମହାନ୍ତି, ବ୍ରଜମୋହନ ଉପାଧ୍ୟାୟ, ଜଗବନ୍ଧୁ ହାତୀ, ବିକ୍ରମ ବେହେରା, ସୁମନ୍ତ ବିଶି, ଶମ୍ବୁନାଥ ଠାକୁର, ବିଜୟ ବାହାଦୂର, ପର୍ଶୁରାମ ବିଶ୍ବାଳ ଓ କରନ ବେହେରା ପ୍ରମୁଖ ପ୍ଲାଜାମା ଦାନ କରିଛନ୍ତି । ଭୂଷଣ କମ୍ପାନୀ ପକ୍ଷରୁ ଏମାନଙ୍କୁ ବୁଷ୍ଟର କିଟସ୍ ପ୍ରଦାନ କରି ଉତ୍ସାହିତ କରିବା ସହ ସମ୍ବର୍ଦ୍ଧନା ଦିଆଯାଇଥଲା। ଅନୁଷ୍ଠିତ ସମ୍ବର୍ଦ୍ଧନା ସଭାରେ କମ୍ପାନୀର କାର୍ୟ୍ୟ ନିର୍ବାହୀ ନିର୍ଦ୍ଦେଶକ ଦିନେଶ ଯାଦବ,ଏଡିଏମ ଗୋପାଳ ଶର୍ମା, ପିଆରଓ ପ୍ରମୋଦ କୁମାର ପାତ୍ର ପ୍ରମୁଖ ଉପସ୍ଥିତ ରହି ସମ୍ଭର୍ଦ୍ଧିତ କରିଥିଲେ । ଆଗାମୀ ଦିନରେ କମ୍ପାନୀର ଅନ୍ୟ କର୍ମଚାରୀ ମାନେ ମଧ୍ୟ ପ୍ଲାଜ୍ମାଦାନ କରିବେ ବୋଲି ଭୂଷଣ ପକ୍ଷରୁ କୁହାଯାଇଛି ।
