ଭୁବନେଶ୍ୱର(ବଡ଼ ଖବର ବ୍ୟୁରୋ): ଅକ୍ଟୋବରରେ ହେବାକୁଥିବା ଟି-୨୦ ବିଶ୍ୱକପ ପୂର୍ବରୁ ପାକିସ୍ତାନକୁ ବଡ ଝଟକା ଲାଗିଛି । ଟିମର ହେଡ୍ କୋଚ୍ ମିସବା-ଉଲ୍-ହକ୍ ଓ ବୋଲିଂ କୋଚ୍ ୱାକର ୟୁନିସ୍ ଚୟନ ନିଜ ନିଜ ପଦରୁ ଇସ୍ତଫା ଦେଇଛନ୍ତି । ଆଉ ମାସକ ପରେ ଟି-୨୦ ମ୍ୟାଚ୍ ଥିବାରୁ ପାକିସ୍ତାନ ପାଇଁ ଏକ ବଡ କ୍ଷତିକାରକ ହୋଇପାରେ ବୋଲି ସୂଚନା ମିଳିଛି । ହଠାତ୍ ଏକା ସାଙ୍ଗରେ ଦୁଇ ଜଣଙ୍କ ଇସ୍ତଫା ନେଇ ଏବେ ପ୍ରଶ୍ନ ଉଠୁଛି ।
ମିସବାଙ୍କ କହିବା ଅନୁଯାୟୀ,୨୪ମାସ ଧରି ବାୟୋ-ବବଲ୍ ପରିବେଶରେ ରହିବା ଯୋଗୁ ସେ ତାଙ୍କ ପରିବାରକୁ ସମୟ ଦେଇପାରୁନାହାଁନ୍ତି । ଯଦିଓ କୋଚ ପଦରୁ ଇସ୍ତଫା ଦେବା ସହଜ ନୁହେଁ କିନ୍ତୁ ସେ ଆଗୁଆ ହେବାକୁ ଥିବା ମ୍ୟାଚ ଖେଳିବା ପାଇଁ ପ୍ରସ୍ତତ ନାହାଁନ୍ତି ବୋଲି ମିସବା କହିଛନ୍ତି । ମିସବା ଓ ୱାକରଙ୍କ ଇସ୍ତଫା ପରେ ସେମାନଙ୍କ ସ୍ଥାନରେ ପୂର୍ବତନ ସ୍ପିନର ସକଲେନ୍ ମୁସ୍ତାକ ପୂର୍ବତନ ଅଲରାଉଣ୍ଡର ଅବଦୁଲ ରଜାକଙ୍କୁ ନ୍ୟୁଜଲ୍ୟାଣ୍ଡ ବିପକ୍ଷ ସିରିଜ୍ ପାଇଁ ଅନ୍ତରୀଣ କୋଚ୍ କରାଯାଇଛି ।
ମିସବାଙ୍କ ଇସ୍ତଫା ଦେବା ପଛରେ ଅନ୍ୟ କିଛି କାରଣ ଥିବା ନେଇ ସନ୍ଦେହ କରାଯାଉଛି । କୁହାଯାଉଛି ଯେ ପିସିବିର ଚେୟାରମ୍ୟାନ ରମୀଜ ରାଜାଙ୍କ ସହ ମିସବା ଓ ୱାକରଙ୍କ ସମ୍ପର୍କ ଭଲ ନାହିଁ । ଯେଉଁଥିପାଇଁ ଉଭୟ ଦଳରୁ ଇସ୍ତଫା ନେଉଛନ୍ତି ।
