ଜଳେଶ୍ୱର(ବଡ଼ ଖବର ବ୍ୟୁରୋ) ଧାମନଗର ବିଜେପି ବିଧାୟକ ବିଷ୍ଣୁ ଚରଣ ସେଠୀଙ୍କୁ ଗିରଫ ପାଇଁ ଆନ୍ଦୋଳନ ତେଜୁଛି । ୧୨ ତାରିଖ ଦିନ ଭଦ୍ରକର ଏକ ହୋଟେଲରେ ମାନବାଧିକାର ଦିବସ ପାଳନ କାର୍ଯ୍ୟକ୍ରମ ଚାଲିଥିଲା । ସେହି ସମୟରେ ବିଜେପି ବିଧାୟକ ବିଷ୍ଣୁଚରଣ ସେଠୀ ଅଖିଳ ଭାରତ ଗଣତାନ୍ତ୍ରୀକ ମହିଳା ସମିତିର ସର୍ବଭାରତୀୟ ସମ୍ପାଦିକା ତାପସୀ ପ୍ରହରାଜଙ୍କ ପ୍ରତି ଯେଉଁ ଅଭଦ୍ରୋଚିତ ଅସାମ୍ବିଧାନିକ ଆଶାଳୀନ ମନ୍ତବ୍ୟ ପ୍ରୋୟାଗ କରିଛନ୍ତି, ତାହା ନାରୀ ଜାତି ପାଇଁ କୁଠାରଘାତ ଓ ବଡ଼ ଅପରାଧ । ଏହାକୁ ନେଇ ଆଜି ଜଳେଶ୍ୱଳ ଅଖିଳ ଭାରତ ଗଣତାନ୍ତ୍ରୀକ ମହିଳା ସମିତି ପକ୍ଷରୁ ଜଳେଶ୍ୱର ତହସିଲ କାର୍ଯ୍ୟାଳୟ ସମ୍ମୁଖରେ ବିଧାୟକଙ୍କୁ ଗିରଫ କରିବା ପାଇଁ ସମିତିର ମହିଳାମାନେ ବିକ୍ଷୋଭ କରିବା ସହ ଜଳେଶ୍ୱର ତହସିଲଦାରଙ୍କ ଜରିଆରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏକ ଦାବିପତ୍ର ଦେଇଛନ୍ତି ।
