ବ୍ଲ୍ୟୁଟୁଥ୍ ହେଡ଼ ଫୋନ୍ ବିସ୍ଫୋରଣ

ଜୟପୁର (ବଡ଼ ଖବର ବ୍ୟୁରୋ): ବ୍ଲ୍ୟୁଟୁଥ୍ ହେଡ଼ ଫୋନ୍ ବିସ୍ଫୋରଣ । ଚାଲିଗଲା ୧୫ବର୍ଷର ଯୁବକଙ୍କ ଜୀବନ । ଏଭଳି ଘଟଣା ଘଟିଛି ରାଜସ୍ଥାନର ଜୟପୁରରେ । ଡାକ୍ତର କହିଛନ୍ତି ହୃଦଘାତରେ ଯୁବକଙ୍କ ମୃତ୍ୟୁ ହୋଇଛି । ଜୟପୁର ଚୋମ୍ମୁ ଅଞ୍ଚଳ ଉଦୟିପୁରିଆ ଗାଁର ରାକେଶ ନଗର ବ୍ଲ୍ୟୁଟୁଥ୍ ହେଡ଼ ଫୋନ୍ ବ୍ୟବହାର କରି କାହା ସହ କଥା ହେଉଥିଲେ ।

ଏହି ସମୟରେ ବ୍ଲ୍ୟୁଟୁଥ୍ ହେଡ଼ ଫୋନ୍ ଡିଭାଇସ୍ ବିସ୍ପୋରଣ ହୋଇଥିଲା । ଗୁରୁତର ରାକେଶଙ୍କୁ ତୁରନ୍ତ ସ୍ଥାନୀୟ ସିଦ୍ଧିବିନାୟକ ହସ୍ପିଟାଲରେ ଭର୍ତ୍ତି କରାଯାଇଥିଲା । ଚିକିତ୍ସାଧୀନ ଥାଇ ତାଙ୍କର ମୃତ୍ୟୁ ହୋଇଥିଲା । ଡାକ୍ତର ଏଲଏନ୍ ରୁଣ୍ଡଲା କହିଛନ୍ତି ବ୍ଲ୍ୟୁଟୁଥ୍ ହେଡ଼ ଫୋନ୍ ବିସ୍ପୋରଣ ହେବା ଘଟଣା ଦେଶରେ ପ୍ରଥମ । ତେବେ ହୃଦଘାତରେ ରାକେଶଙ୍କ ମୃତ୍ୟୁ ହୋଇଥାଇ ପାରେ । ବିସ୍ଫୋରଣରେ ରାକେଶଙ୍କ ଦୁଇ କାନ ଗୁରୁତର କ୍ଷତି ହୋଇଛି ।