ଅବସର ନେଲେ ବୋବଡେ

ନୂଆଦିଲ୍ଲୀ (ବଡ ଖବର ବ୍ୟୁରୋ): ଅବସର ନେଲେ ସିଜେଆଇ ଜଷ୍ଟିସ ଏସଏ ବୋବଡେ । ଆଜି ପ୍ରଧାନବିଚାରପତି ଭାବେ ଶପଥ ନେବେ ଜଷ୍ଟିସ ଏନଭୀ ରମନ୍ନା । ବିଚାରପତି ଭାବେ ଦୀର୍ଘ ୨୨ବର୍ଷ ସେବା ପରେ ଶୁକ୍ରବାର ଅବସର ଗ୍ରହଣ କରିଛନ୍ତି । ବୋବେଡଙ୍କ ପାଇଁ ସୁପ୍ରିମକୋର୍ଟରେ ଶୁକ୍ରବାର ଏକ ବିଦାୟ ସମ୍ବର୍ଦ୍ଧାନା ଉତ୍ସବ ଆୟୋଜନ ହୋଇଥିଲା ।

ବିଦାୟ ଭାଷଣରେ କହିଥିଲେ ଯେ ଖୁସି, ସଦିଚ୍ଛା ଏବଂ ମଧୁର ସ୍ମୃତି ସହ ସେ ସୁପ୍ରିମକୋର୍ଟ ଛାଡୁଛନ୍ତି ଏବଂ ପ୍ରଧାନବିଚାରପତି ଭାବେ ଦାୟିତ୍ୱ ସମ୍ପାଦନରେ ସନ୍ତୁଷ୍ଟ ଅଛନ୍ତି । ଜଷ୍ଟିସ ବୋବଡେ ତାଙ୍କ କାର୍ଯ୍ୟକାଳ ସମୟରେ ଐତିହାସିକ ଅଯୋଧ୍ୟା ରାୟ ସମେତ ଅନେକ ଗୁରୁତର୍ୱପୂର୍ଣ୍ଣ ମାମଲାର ରାୟ ଶୁଣାଇଛନ୍ତି । ୨୦୧୯ ନଭେମ୍ବରରେ ସେ ୪୭ତମ ପ୍ରଧାନ ବିଚାରପତି ଭାବେ ଶପଥ ନେଇଥିଲେ ।