ଜଟଣୀରେ ଫୁଟିଲା ବୋମା

ଜଟଣୀ, (ବଡ଼ ଖବର ବ୍ୟୁରୋ): ଜଟଣୀରେ ବୋମା ମାଡ଼ । ପୁର୍ବ ଶତ୍ରୁତାରୁ ଜଟଣୀ ଥାନା ଅଧୀନ ବାଲିଛାଇ ମୁଣ୍ଡିଆସାହିରେ ବୋମା ମାଡ଼ ହୋଇଛି । ଏଥିରେ ରବି ପ୍ରଧାନ ନାମକ ଜଣେ ମାଛ ବ୍ୟବସାୟୀଙ୍କ ଘର ଆଜବେଷ୍ଟ ଭାଙ୍ଗିଯିବା ସହ ସେ ଆହତ ହୋଇଛନ୍ତି । ପୂର୍ବ ଶତ୍ରୁତାରୁ ଏହି ବୋମା ମାଡ ଘଟିଥିବା କୁହାଯାଉଛି । ସୂଚନା ଅନୁଯାୟୀ ୩ମାସ ତଳେ ରବିଙ୍କ ପୁଅ ରଘୁ ସହ ବାବୁ ନାମକ ଜଣେ ଯୁବକର ପାଟିତୁଣ୍ଡ ହୋଇଥିଲା । ପ୍ରତିଶୋଧ ପରାୟଣ ହୋଇ ବାବୁ ଆଜି ରବିଙ୍କ ଘର ଉପରକୁ ୬ଟି ବୋମା ମାଡ଼ କରି ଫେରାର ହୋଇଯାଇଥିଲା । ବୋମା ମାଡ଼ରେ ରବିଙ୍କ ଘର ଆଜବେଷ୍ଟ ଭାଙ୍ଗିବା ସହ ଏଥିରେ ରବି ଆହତ ହୋଇଥିଲେ । ଏହି ବୋମା ମାଡ଼ ପରେ ଅଞ୍ଚଳବାସୀ ଭୟଭୀତ ଥିବା ବେଳେ ଜଟଣୀ ପୋଲିସ ଘଟଣାସ୍ଥଳରେ ପହଁଚି ତଦନ୍ତ ଚଳାଇଛି ।