ପୁଣି ବଢିଲା ବସ୍ ଭଡ଼ା

ଭୁବନେଶ୍ୱର (ବଡ଼ ଖବର): ରାଜ୍ୟରେ ପୁଣି ବଢିଛି ବସ୍ ଭଡା । ପେଟ୍ରୋଲ ଓ ଡିଜେଲ ଦର ବୃଦ୍ଧି ହେଉଥିବାରୁ ପୁଣି ଥରେ ବସ୍ ଭଡ଼ା ବୃଦ୍ଧି କରାଯାଇଛି । ସ୍ୱୟଂକ୍ରିୟ ବ୍ୟବସ୍ଥା ମାଧ୍ୟମରେ ଏହି ଭଡ଼ା ବୃଦ୍ଧି କରାଯାଇଛି । ସାଧାରଣ ତ୍ତ୍ୱଓ ଏକ୍ସପ୍ରେସ ବସ ଭଡ଼ାରେ ୧ ପଇସା ବୃଦ୍ଧି ପାଇବା ଫଳରେ ସାଧାରଣ ବସ୍ ଭଡ଼ା ୭୩ରୁ ୭୪ ପଇସା ଏବଂ ଏକ୍ସପ୍ରେସ୍ ବସ୍ ଭଡ଼ା ୭୬ରୁ ୭୭ ପଇସାକୁ ବୃଦ୍ଧି ପାଇଛି । ସେହିପରି ଭାବେ ଡିଲକ୍ସ ଓ ଏସି ଡିଲକ୍ସ ଭଡ଼ା ୨ ପଇସା ବୃଦ୍ଧି ପାଇବା ଫଳରେ ଡିଲକ୍ସ ବସ୍ ଭଡା ୧ଟଙ୍କା ୭ ପଇସାରୁ ୧ଟଙ୍କା ୯ ପଇସା ଏବଂ ଏସି ଡ଼ିଲକ୍ସ ବସ୍ ଭଡା ୧ଟଙ୍କା ୨୯ ପଇସାରୁ ୧ଟଙ୍କା ୩୧ ପଇସା ବୃଦ୍ଧି ପାଇଛି । ଏହାପୂର୍ବରୁ ଡିସେମ୍ବର ୭ ତାରିଖରେ ବସ୍ ଭଡ଼ା ବୃଦ୍ଧି କରାଯାଇଥିଲା ।