ମହାମାରୀ ପାଇଁ କମିଛି ୨ବର୍ଷ ଆୟୁ
ମୁମ୍ବାଇ(ବଡ଼ ଖବର ବ୍ୟୁରୋ): ମହାମାରୀ ଯୋଗୁଁ ଲୋକମାନଙ୍କ ଆୟୁଷ ଉପରେ ପ୍ରଭାବ ପଡ଼ିଛି । ଭାରତୀୟଙ୍କ ଆୟୁଷ ୨ ବର୍ଷ ହ୍ରାସ ପାଇଛି । ମୁମ୍ବାଇର (ଆଇଆଇପିଏସ୍) ଇଣ୍ଟରନ୍ୟାଶନାଲ ଇନଷ୍ଟିଚ୍ୟୁଟ୍ ଫର ପପୁଲେସନ ଷ୍ଟଡ଼ିଜ୍ ପକ୍ଷରୁ କରାଯାଇଥିବା ଗବେଷଣାରେ ଏପରି ତଥ୍ୟ ସାମ୍ନାକୁ ଆସିଛି । ଆଇଆଇପିଏସ୍ର ଆସିସଷ୍ଟାଣ୍ଟ ପ୍ରଫେସର ସୂର୍ଯ୍ୟକାନ୍ତ ଯାଦବ କହିଛନ୍ତି ।
ମହାମାରୀର ପ୍ରଭାବ ଭାରତୀୟଙ୍କ ଜୀବନଶୈଳୀ ଓ ଆୟୁଷ ଉପରେ ପଡ଼ିଛି । ଭାରତରେ ମହିଳା ଓ ପୁରୁଷଙ୍କ ଆୟୁଷ ହାରାହାରି ୨ ବର୍ଷ କମିଥିବା ବୈଜ୍ଞାନିକ ଆକଳନରୁ ଜଣା ପଡ଼ିଛି । ସୂଚନାନୁସାରେ, ୨୦୧୯ ରେ ପୁରୁଷମାନଙ୍କ ହାରାହାରି ଆୟୁଷ ୬୯.୬ବର୍ଷ ଏବଂ ମହିଳାଙ୍କ ହାରାହାରି ଆୟୁଷ ୭୨ ବର୍ଷ ରହଥିିଲା । ମାତ୍ର ୨୦୨୦ ରେ ମିଳିଥିବା ପରିସଂଖ୍ୟାନ ଅନୁସାରେ ଏହା ଯଥାକ୍ରମେ ୬୭.୫ବର୍ଷ ଓ ୬୯.୮ ବର୍ଷ ହୋଇଯାଇଛି ।