ବଢିପାରେ ଖରା ଛୁଟି ?

ଭୁବନେଶ୍ୱର(ବଡ଼ ଖବର ବ୍ୟୁରୋ): ବଢିପାରେ ଖରା ଛୁଟି । ଖରା ଛୁଟିର ଅବଧି ବଢିବା ନେଇ ଗଣଶିକ୍ଷାମନ୍ତ୍ରୀଙ୍କ ସୂଚନା । ପ୍ରବଳ ଖରାକୁ ଦେଖି ଚିନ୍ତା କରୁଛନ୍ତି ସରକାର । ଜୁନ୍ ୨୨ରେ ସ୍କୁଲ୍ ଖୋଲିବା ନେଇ ହୋଇଥିଲା ଘୋଷଣା । ରାଜ୍ୟରେ ପ୍ରଭାହିତ ପ୍ରଚଣ୍ଡ ରୌଦ୍ର ତାପକୁ ଦୃଷ୍ଟିରେ ରଖି ଗଣଶିକ୍ଷା ମନ୍ତ୍ରୀ ନିତ୍ୟାନନ୍ଦ ଗୋଣ୍ଡ ସ୍କୁଲ୍ ଛୁଟି ବୃଦ୍ଧି କରିବାକୁ ନେଇ ବିଚାର କରିଛନ୍ତି । ଗଣଶିକ୍ଷା ମନ୍ତ୍ରୀ ନିତ୍ୟାନନ୍ଦ ଗୋଣ୍ଡ ଗଣମାଧ୍ୟମ କୁ ସୂଚନା ଦେଇ କହିଛନ୍ତି ଯେ, ଖରା ଛୁଟି ବଢିବ କି କମିବ ତାହା ସମୟ କହିବ । ସେ ସମୟର ସ୍ଥିତି କୁ ନଜରରେ ରଖି ନିଷ୍ପତ୍ତି ନିଆଯିବ । ଖରା ଯଦି ନ କମେ ତାହାଲେ ଖରା ଛୁଟି ବଢିପାରେ । ପିଲାମାନଙ୍କର ସୁରକ୍ଷା ହେଉଛି ବିଦ୍ୟାଳୟ ଓ ଗଣଶିକ୍ଷା ବିଭାଗର ପ୍ରଥମିକତା, ବୋଲି ସେ ଗୁରୁତ୍ୱ ଆରୋପ କରିଛନ୍ତି ।