ବିଜେପିରେ ମିଶି ପାରନ୍ତି କ୍ୟାପଟେନ !

ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ପଞ୍ଜାବର ଦଳୀୟ କନ୍ଦଳ ମଧ୍ୟରେ ସାମ୍ନାକୁ ଆସିଛି ଏକ ରୋଚକ ତଥ୍ୟ । ତେବେ ଗୃହମନ୍ତ୍ରୀ ଅମିତ ଶାହଙ୍କ ବାସଭବନରେ କ୍ୟାପଟେନ ଓ ଶାହା ବୈଠକ କରିଥିବାର କଥା ସାମ୍ନାକୁ ଆସିଛି । ଏ ଖବର ସାମ୍ନାକୁ ଆସିବା ପରେ ସାରା ଦେଶର ରାଜନୈତିକ ମାହୋଲ ବେଶ ସରଗରମ ହୋଇଉଠିଛି । ଅନେକ କଳ୍ପନାଜଳ୍ପନା ଆରମ୍ଭ ମଧ୍ୟ ହୋଇଯାଇଛି । ଏହି ବୈଠକରେ କ୍ୟାପଟେନ ବିଜେପିରେ ଯୋଗଦେବା କଥା ଆଲୋଚନା ହୋଇଥିବାର ସୂଚନା ମିଳିଛି ।

ଅନ୍ୟପଟେ ପଞ୍ଜାବରେ ବିଧାନସଭା ନିର୍ବାଚନକୁ ଦୃଷ୍ଟିରେ ରଖି ବିଜେପି କେନ୍ଦ୍ର କୃଷି ମନ୍ତ୍ରଣାଳୟ ଅମରିନ୍ଦର ସିଂହଙ୍କୁ ହସ୍ତାନ୍ତର କରିପାରିବ ବୋଲି ଅନୁମାନ କରାଯାଉଛି । କାହିଁକିନା ଏହା ପରେ ପଞ୍ଜାବର ପୂର୍ବତନ ମୁଖ୍ୟମନ୍ତ୍ରୀ କୃଷକଙ୍କ ଆଇନ ସମ୍ବନ୍ଧୀୟ କୃଷକଙ୍କ ସମସ୍ୟାର ସମାଧାନ ପାଇଁ ଆଗକୁ ଆସିପାରନ୍ତି କିମ୍ବା କୃଷି ସଙ୍ଗଠନ ସହ ଆଲୋଚନା କରିବାର ଦାୟିତ୍ୱ ଗ୍ରହଣ କରି ରାଜ୍ୟରେ ନିର୍ବାଚନ ଦୌଡ଼ରେ ବିଜେପିର ଚେହେରା ହୋଇପାରନ୍ତି ବୋଲି ସୂଚନା ମିଳିଛି ।