ଚାନ୍ଦବାଲି ବୈତରଣୀ ସେତୁରେ ବଡ଼ ଗାତ

ଚାନ୍ଦବାଲି (ବଡ଼ ଖବର ବ୍ୟୁରୋ): ବିପଦ ସଂକୁଳ ଅବସ୍ଥାରେ ଚାନ୍ଦବାଲି ବୈତରଣୀ ସେତୁ । କଟକ-ଚାନ୍ଦବାଲି ରାଜ୍ୟ ରାଜପଥ ଚାନ୍ଦବାଲି ବୈତରଣୀ ସେତୁ ନିକଟରେ ଏକ ବିରାଟ ଗର୍ତ୍ତ ସୃଷ୍ଟି ହୋଇଛି । ଏଥି ନେଇ ଚାନ୍ଦବାଲି ପୂର୍ତ୍ତ ବିଭାଗ ପକ୍ଷରୁ କନିଷ୍ଠ ଯନ୍ତ୍ରୀ ଚରଣ ସିଂ କ୍ଷେତ୍ର ପରିଦର୍ଶନ କରିଥିଲେ । ଏହି ସେତୁ ଉପରେ ଭଦ୍ରକ, କେନ୍ଦ୍ରାପଡ଼ା ତଥା ଯାଜପୁର ଜ଼ିଲ୍ଲାର ହଜାର ହଜାର ଲୋକେ ନିର୍ଭର କରିଥାନ୍ତି । ତେଣୁ ଖୁବଶୀଘ୍ର ଏହାର ସ୍ଥାୟୀ ମରାମତି ସ୍ଥାନୀୟ ବାସୀ ଦାବୀ କରିଛନ୍ତି । ନବୀକରଣ ଓ ସଂପ୍ରସାରଣ ପାଇଁ କୋଟି କୋଟି ଟଙ୍କା ଖର୍ଚ୍ଚ କରାଯାଇ ପୂର୍ତ୍ତ ବିଭାଗ ପକ୍ଷରୁ ନିର୍ମାଣ କରାଯାଇଛି । ନିମ୍ନମାନର କାମ ହୋଇଥିବା ଅଭିଯୋଗ କରି ଯଥାଶୀଘ୍ର ଏହାକୁ ମରାମତି ପାଇଁ ସାଧାରଣରେ ଦାବି ହେଉଛି।