ବିଜେଡିରେ ମିଶିଲେ କଂଗ୍ରେସ ସରପଞ୍ଚ

ବସ୍ତା (ବଡ଼ ଖବର ବ୍ୟୁରୋ): ନିର୍ବାଚନ ପୂର୍ବରୁ ଆରମ୍ଭ ହେଲା ଦଳ ଡିଆଁ । କଂଗ୍ରେସ ଛାଡ଼ି ବିଜେଡିରେ ମିଶିଲେ ବସ୍ତାର ନେତା । ବସ୍ତାର ବରିଷ୍ଠ କଂଗ୍ରେସ ନେତା ଦେବ କୁମାର ଦେ । ବାଲିଆପାଳ ବ୍ଲକର ଶ୍ରୀରାମପୁର ଗ୍ରାମପଂଚାୟତ ସରପଂଚ ଦେବ କୁମାର ଦେ । ଶଙ୍ଖଭବନରେ ଆୟୋଜିତ ମିଶ୍ରଣ ପର୍ବରେ ମନ୍ତ୍ରୀ ପ୍ରତାପ କେଶରୀ ଦେବ ଓ ସାଂସଦ ମାନସ ରଞ୍ଜନ ମଙ୍ଗରାଜ ସେମାନଙ୍କୁ ଦଳକୁ ସ୍ବାଗତ କରିଛନ୍ତି।

ଏହି ଅବସରରେ ଦେବ କୁମାର କହିଥିଲେ, ମୁଁ ଦୀର୍ଘଦିନ ଧରି କଂଗ୍ରେସରେ ଥିଲି। ହେଲେ କଂଗ୍ରେସର କାର୍ଯ୍ୟଶୈଳୀ ଓ ନୀତିରେ ଅତିଷ୍ଠ ହୋଇପଡ଼ିଥିଲି। ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଲୋକାଭିମୁଖୀ ନୀତି ମୋତେ ଅନୁପ୍ରାଣିତ କରିଛି। ଆଗାମ ଦିନରେ ବାଲିଆପାଳ ବ୍ଳକରେ ବିଜେଡି ସଂଗଠନକୁ ଆଗେଇ ନେବାକୁ ଚେଷ୍ଟା କରିବି ।