ନଜର ପକାନ୍ତୁ କେତେ ମୁଣ୍ଡ ନେଲା କରୋନା
ଭୁବନେଶ୍ୱର, (ବଡ଼ ଖବର ବ୍ୟୁରୋ): ରାଜ୍ୟରେ ହ୍ରାସ ପାଉଛି କରୋନା ଆକ୍ରାନ୍ତଙ୍କ ସଂଖ୍ୟା । ୨୪ ଘଣ୍ଟା ମଧ୍ୟରେ ୩୦ ଜିଲ୍ଲାରୁ ୧୬୯୫ ଜଣ ପଜିଟିଭ୍ ଚିହ୍ନଟ ହୋଇଛି । ଆଜି କରୋନାରେ ୧୫ଜଣଙ୍କ ମୃତ୍ୟୁ ହୋଇଛି । ମୃତକଙ୍କ ମଧ୍ୟରେ ଖୋର୍ଦ୍ଧା, ମୟୂରଭଞ୍ଜ ଓ ସୁନ୍ଦରଗଡ଼ରୁ ୨ଜଣ, ଅନୁଗୁଳ, ବାଲେଶ୍ୱର, ବରଗଡ଼, ଭଦଷ୍ଠଳ, ଗଜପତି, ଝାରସୁଗୁଡ଼ା, କନ୍ଧମାଳ, ପୁରୀ ଓ ସମ୍ବଲପୁର ଜିଲ୍ଲାରୁ ଜଣେ ଲେଖାଏଁ ମୃତ । ରାଜ୍ୟରେ କରୋନା ଜନିତ ମୃତ୍ୟୁ ସଂଖ୍ୟା ୧୨୨୯କୁ ବୃଦ୍ଧି ।
୨୪ ଘଣ୍ଟା ମଧ୍ୟରେ ୧୬୯୫ ଜଣ ଆକ୍ରାନ୍ତ ଚିହ୍ନଟ ହୋଇଛନ୍ତି । ୯୮୬ କ୍ୱାରେନଣ୍ଟାଇନ, ୭୦୯ ଲୋକାଲ କେସ୍ । ଖୋର୍ଦ୍ଧାରୁ ସର୍ବାଧିକ ୧୮୩, ବାଲେଶ୍ୱରରୁ ୧୨୮, ସୁନ୍ଦରଗଡ଼ରୁ ୧୧୦, କଟକରୁ ୧୦୩, ନୂଆପଡ଼ାରୁ ୯୨, ଅନୁଗୁଳରୁ ୮୩, ଜଗତସିଂହପୁରରୁ ୭୬, କେନ୍ଦୁଝରରୁ ୭୩, ବଲାଙ୍ଗୀରରୁ ୬୫, ଯାଜପୁରରୁ ୫୭, ବରଗଡ଼ରୁ ୫୬, ପୁରୀ ଓ ନବରଙ୍ଗପୁରରୁ ୫୧, କୋରାପୁଟ, ମୟୂରଭଞ୍ଜ, ଝାରସୁଗୁଡ଼ା ଓ ଗଞ୍ଜାମରୁ ୪୫, କେନ୍ଦ୍ରାପଡ଼ା ଓ ସମ୍ବଲପୁରରୁ ୪୨, ମାଲକାନଗିରିରୁ ୩୭, କଳାହାଣ୍ଡିରୁ ୩୬, ଭଦ୍ରକ, ଷ୍ଟେଟ୍ ପୁଲରୁ ୩୫, ନୟାଗଡ଼ରୁ ୩୨, ସୁବର୍ଣ୍ଣପୁରରୁ ୨୪, ରାୟଗଡ଼ାରୁ ୧୭, ଦେବଗଡ଼ ଓ ବୌଦ୍ଧରୁ ୧୧, ଗଜପତିରୁ ୭ ଜଣ ପଜିଟିଭ୍ ଚିହ୍ନଟ ହୋଇଛନ୍ତି ।
ରାଜ୍ୟରେ ମୋଟ୍ ୪୨୮୦୨୭୪ଟି ସାମ୍ପୁଲ ପରୀକ୍ଷା ହୋଇଛି । ଏଥିମଧ୍ୟରୁ ଆକ୍ରାନ୍ତଙ୍କ ସଂଖ୍ୟା ୨ ଲକ୍ଷ ୭୯ ହଜାର ୫୮୨ । ୨ ଲକ୍ଷ ୫୯ ହଜାର ୪୧୪ ଜଣ ସୁସ୍ଥ ହୋଇଥିବା ବେଳେ ଆକ୍ଟିଭ କେସ୍ ୧୮ ହଜାର ୮୮୨ ।
