ଭୁବନେଶ୍ୱର(ବଡ଼ ଖବର ବ୍ୟୁରୋ): ଭୁବନେଶ୍ୱରରେ ପହଞ୍ଚିଲା କୋଭାକ୍ସିନ । ଭାରତ ବାୟୋଟେକ ଦ୍ୱାରା ପ୍ରସ୍ତୁତ ଏହି ଟିକା । କାଲି ରାଜ୍ୟକୁ କରୋନା ଟିକା କୋଭିସିଲ୍ଡ ଆସିବା ପରେ ଆଜି ଆସିଛି କୋଭାକ୍ସିନ । ସେରମ ଇନଷ୍ଟିଚ୍ୟୁଟ ଠାରୁ ଟିକା କିଣିବା ପରେ ଭାରତ ବୟୋଟେକ ଠାରୁ ଟିକା କିଣିଛନ୍ତି କେନ୍ଦ୍ର ସରକାର । ଭାରତ ବୟୋଟେକ ଠାରୁ ୫୫ଲକ୍ଷ କୋଭାକ୍ସିନ ଟିକା କିଣାଯାଇଛି । ୩୮ଲକ୍ଷ ୫୦ହଜାର ଡୋଜ ଟିକା କିଣିଛି କେନ୍ଦ୍ର ସରକାର । ଓଡିଶାକୁ ୨୦ହଜାର ଡୋଜ କୋଭାକ୍ସିନ ଟିକା ଅଣାଯାଇଛି । ପ୍ରଥମ ପର୍ଯ୍ୟାୟରେ ଟିକା ଦେବା ପାଇଁ ଏକ ତାଲିକା ପ୍ରସ୍ତୁତ କରାଯାଇଛି । ରାଜ୍ୟ ସରକାର ୩ଲକ୍ଷ ୨୮ହଜାର ୬୫୦ ସ୍ୱାସ୍ଥ୍ୟ କର୍ମିଙ୍କ ତାଲିକା ପ୍ରସ୍ତୁତ କରିଛନ୍ତି ।
ଗତକାଲି କୋଭିସିଲ୍ଡ ଟିକା ପହଁଚିବା ପରେ ବିଭିନ୍ନ ଜିଲ୍ଲାକୁ ପର୍ଯ୍ୟାୟକ୍ରମେ ପଠାଯିବା ପ୍ରକ୍ରିୟା ଆରମ୍ଭ ହୋଇଛି । ମଙ୍ଗଳବାର ସଂନ୍ଧ୍ୟାରେ କଟକ, ପୁରୀ ଓ ନୟାଗଡକୁ ଟିକା ଦିଆଯାଇଛି ।
