ବିଜେଡି ହାତରୁ ଗଲା ବ୍ରଜରାଜନଗର; ଅନାସ୍ଥା ଭୋଟିଂରେ ପଦ ହରାଇଲେ ପୌରାଧ୍ୟକ୍ଷ

ବ୍ରଜରାଜନଗର(ବଡ଼ ଖବର ବ୍ୟୁରୋ): ବ୍ରଜରାଜନଗରରେ ବିଜେଡି ସଫା । ବିଜେଡି ହାତରୁ ଗଲା ବ୍ରଜରାଜନଗର । ଅନାସ୍ଥା ଭୋଟିଂରେ ପଦ ହରାଇଲେ ବ୍ରଜରାଜନଗର ପୌରାଧ୍ୟକ୍ଷ । ଅନାସ୍ଥାରେ ହାରିଲେ ପୌରାଧ୍ୟକ୍ଷ ଯାଜ୍ଞସେନୀ ଓରାମ୍ । ଗତ ଜାନୁଆରୀ ୧୫ରେ ହୋଇଥିବା ଅନାସ୍ଥା ଭୋଟରେ ୨୩ ଜଣ କାଉନସିଲର ଭୋଟ ଦେଇଥିଲେ ।

ଏଥିରେ ଯାଜ୍ଞସେନୀଙ୍କ ବିପକ୍ଷରେ ୨୨ ଟି ଭୋଟ ପଡିଥିବା ବେଳେ ସପକ୍ଷରେ ୧ଟି ଭୋଟ ପଡିଥିଲା । ଅନାସ୍ଥା ଭୋଟ ଘଟଣାରେ ଯାଜ୍ଞସେନୀ ହାଇକୋର୍ଟର ଦ୍ୱାରସ୍ଥ ହେବାପରେ ଫଳାଫଳ ଘୋଷଣା ସ୍ଥଗିତ ରଖିବାକୁ ନିର୍ଦ୍ଦେଶ ଦେଇଥିଲେ ହାଇକୋର୍ଟ । ଏହାପରେ ଶୁକ୍ରବାର ପୌରଅଧ୍ୟକ୍ଷାଙ୍କ ଆବେଦନକୁ ହାଇକୋର୍ଟ ଖାରଜ କରିବା ପରେ ଅନାସ୍ଥା ଭୋଟ ଗଣତି କରାଯାଇଛି । ଅନାସ୍ଥା ଭୋଟରେ ହାରିଯାଇଛନ୍ତି ପୌରଅଧ୍ୟକ୍ଷା ଯାଜ୍ଞସେନୀ ଓରାମ ।