ନକଲି ପନୀର ଜବତ

କଟକ(ବଡ଼ ଖବର ବ୍ୟୁରୋ): କଲିକତାରୁ ବସରେ କଟକ ଚାଲାଣ ହେଉଛି ପନୀର । ଚଢାଉ କରି ଧରିଲା ଚାଉଳିଆଗଞ୍ଜ ପୋଲିସ । ୧ କ୍ୱିଟାଂଲରୁ ଅଧିକ ନକଲି ପନିରକୁ ଜବତ କରାଯାଇଛି । କୋଲକତାରୁ କଟକ ବସରେ ଚାଲାଣବେଳେ ସିନ୍ଥେଟିକ ପନିରକୁ ଜବତ କରିଛି ପୋଲିସ । ନକଲି ସାମଗ୍ରୀର ହବ୍ ପାଲଟିଛି କଟକ ସହର । ବିଭିନ୍ନ ବ୍ରାଣ୍ଡ ନକଲି ସାମଗ୍ରୀ ପ୍ରସ୍ତୁତ କରି ବଜାରରେ ବିକି ମାଲେମାଲ ହେଉଛନ୍ତି ମାଫିଆ । ପୂର୍ବରୁ ବହୁ ପରିମାଣରେ ନକଲି ହଳଦୀ ଓ ବିଭିନ୍ନ ନାମୀଦାମୀ ବ୍ରାଣ୍ଡର ଲୋଗୋ ଥିବା ମସଲା ପ୍ୟାକେଟ ଜବତ କରିଥିଲା । ଚାଉଳିଆଗଞ୍ଜ ଥାନା ଅଂଚଳରୁ ଏକ ଅପମିଶ୍ରିତ ଘିଅ କାରଖାନା ଠାବ କରିଥିଲା ପୋଲିସ । ଏପରିକି ନକଲି ସିମେଣ୍ଟ କାରଖାନା ଉପରେ ମଧ୍ୟ ପୋଲିସ ଚଢାଉ କରିଥିଲା ।