ଭୁବନେଶ୍ୱର(ବଡ଼ ଖବର ବ୍ୟୁରୋ): ସାରା ଦେଶରେ ଦିନକୁ ଦିନ କରୋନାସ୍ଥିତି ଆୟତ୍ତ୍ୱ ହେବାରେ ଲାଗିଛି । ଏହା ମଧ୍ୟରେ ଏକ ତଥ୍ୟ ପ୍ରକାଶ ପାଇଛି । ତେବେ ଭୁବନେଶ୍ୱରର ଆଇସିଏମଆର ଆଞ୍ଚଳିକ ମେଡ଼ିକାଲ ରିସର୍ଚ୍ଚ ସେଣ୍ଟରରେ ୬୧୪ ଜଣ ଟୀକା ନେଇଥିବା ସ୍ୱାସ୍ଥ୍ୟକର୍ମୀଙ୍କ ଉପରେ ପରୀକ୍ଷା କରାଯାଇଥିଲା । ଟୀକାକରଣର ମାତ୍ର ୪ ମାସ ମଧ୍ୟରେ ସ୍ୱାସ୍ଥ୍ୟ କର୍ମଚାରୀଙ୍କ କୋଭିଡ ଆଣ୍ଟିବଡ଼ି କ୍ରମାଗତ ହ୍ରାସ ପାଇଥିଲା । ଅପରପକ୍ଷରେ ଯେତେବେଳେ ଭାରତରେ ମାରାତ୍ମକ ଡ଼େଲଟା ଭାରିଆଣ୍ଟ ବୃଦ୍ଧି ପାଇଥିଲା । ସେହି ସମୟରେ ଏହି ପରୀକ୍ଷା କରାଯାଇଥିବାର ସୂଚନା ମିଳିଛି । ୩୦୮ଜଣଙ୍କୁ କୋଭିଶିଲ୍ଡ ଟୀକା ଏବଂ ୩୦୬ ଜଣଙ୍କୁ କୋଭାକ୍ସିନର ଦୁଇଟି ଡ଼ୋଜ ଦିଆଯାଇଥିଲା ।
ଏହି ୬୧୪ ସ୍ୱାସ୍ଥ୍ୟ ସେବା କର୍ମଚାରୀଙ୍କ ମଧ୍ୟରୁ ୮୧ ଜଣ ପ୍ରଥମଥର ପାଇଁ କୋଭିଡ଼ ସଂକ୍ରମିତ ହୋଇଥିଲେ । ଏହା ସହ ୨୫୭ ଜଣ ସଂକ୍ରମିତଙ୍କୁ ଉଭୟ ଡ଼ୋଜର ଟୀକା ଦେବା ପରେ ମଧ୍ୟ କରୋନାରେ ସଂକ୍ରମିତ ହୋଇଥିବାର ଦେଖିବାକୁ ମିଳିଛି । ଯେଉଁମାନେ କୋଭାକ୍ସିନ ପାଇଥିଲେ ସେମାନଙ୍କ ପାଇଁ ଆଣ୍ଟିବଡ଼ି ସ୍ତର ଯଥେଷ୍ଟ ହ୍ରାସ ପାଇବାରେ ଲାଗିଥିଲା । ଏବଂ ପ୍ରଥମ ଟୀକା ନେବା ପରେ ୬ ମାସ ପରେ କୋଭିସିଲ୍ଡ ପ୍ରାପ୍ତକର୍ତ୍ତାଙ୍କ ପାଇଁ ଆଣ୍ଟିବଡ଼ି ଯଥେଷ୍ଟ ହ୍ରାସ ପାଇବାରେ ଲାଗିଥିଲା । ସେହିପରି କୋଭାକ୍ସିନ ଟୀକାକରଣ ପରେ ଦ୍ୱିତୀୟ ମାସରେ ଆଣ୍ଟିବଡ଼ି ହ୍ରାସ ପାଇବାରେ ଲାଗିଲା । କୋଭିଶିଲ୍ଟରେ ଟୀକାକରଣର ଚତୁର୍ଥ ମାସ ପରେ ଆଣ୍ଟିବଡ଼ି ହ୍ରାସ ପାଇବାରେ ଲାଗିଛି ବୋଲି ଏହି ଅଧ୍ୟୟନରୁ ଜଣାପଡ଼ିଛି ।
