କୂଳ ଲଙ୍ଘିଲା ସୁବର୍ଣ୍ଣରେଖା

ଭୁବନେଶ୍ୱର(ବଡ଼ ଖବର ବ୍ୟୁରୋ): ରାଜ୍ୟରେ କେଉଁ ନଦୀରେ କଣ ସ୍ଥିତି ରହିଛି ସେ ସମ୍ପର୍କରେ ରାଜ୍ୟ ଜଳ ସମ୍ପଦ ପକ୍ଷରୁ ସୂଚନା ଜାରୀ କରାଯାଇଛି । ଆଜି ସକାଳ ୬ ଟା ତଥ୍ୟ ଅନୁସାରେ ବୈତରଣୀ ଆଖୁଆପଦା ଠାରେ ବିପଦ ସଂକେତ ଉପରେ ପ୍ରବାହିତ ହେଉଛି । ସୁବର୍ଣ୍ଣରେଖା ଜାମଶୋଳା ଘାଟ ଓ ରାଜ ଘାଟ ନିକଟରେ ବିପଦ ସଂଙ୍କେତ ଉପରେ ପ୍ରବାହିତ ହେଉଥିବାବେଳେ ଜଳକା ମଥାନି ଠାରେ ବିପଦ ସଂକେତ ଉପରେ ରହିଛି । ଏବଂ ମହାନଦୀ ନରାଜ ଠାରେ ବିପଦ ସଂକେତ ତଳେ ଥିଲେ ବି ଏହାର ଜଳ ପତନ ବୃଦ୍ଧି ପାଇଛି ।

ଏଠାରେ ବିପଦ ସଂକେତ ୨୬.୪୧ ଥିବାବେଳେ ସମାଳ ୬ଟା ସୁଦ୍ଧା ଏହା ୨୫.୫୦ ମିଟରରେ ପହଞିଛି । ହୀରାକୁଦରେ ବନ୍ୟାଜଳ ଅଧିକରୁ ଅଧିକ ନିଷ୍କାସିତ ହେଉଥିବାରୁ ମହାନଦୀରେ ଜଳପତନ ବୃଦ୍ଧି ପାଇବାର ଆଶଙ୍କା ଦେଖାଦେଇଛି । ହୀରାକୁଦରୁ ୨୮ ଟି ଗେଟ ନେଇ ଜଳ ନିଷ୍କାସନ ହେଉଛି ।