ଦେବୀ ନଦୀ ବନ୍ଧରେ ଫାଟ
ଜଗତସିଂପୁର (ବଡ଼ ଖବର ବ୍ୟୁରୋ): ମେଗା ପାନୀୟଜଳ ପ୍ରକଳ୍ପ ନିର୍ମାଣ ବେଳେ ଦେବୀ ନଦୀ ବନ୍ଧରେ ଫାଟ । ଜଗତସିଂପୁର ଜିଲ୍ଲା ନାଉଗାଁ ବ୍ଲକ ତୁମ୍ଭେଶ୍ୱର ନଦୀ ବନ୍ଧରେ ଦେଖାଦେଇଛି ଏହି ସମସ୍ୟା । ବନ୍ଧର ସୁରକ୍ଷା ପାଇଁ ପ୍ରଶାସନ ଓ ନଦୀ ବନ୍ଧ ସୁରକ୍ଷା କମିଟିର ସଦସ୍ୟ ମାନଙ୍କ ସହ ଆଲୋଚନା କରାଯାଇଛି । ନାଉଗାଁ ପଂଚାୟତ ସମିତି କାର୍ଯ୍ୟାଳୟ ସମ୍ମିଳନୀ କକ୍ଷରେ ଏହି ଆଲୋଚନା କରାଯାଇଛି । ଏବିଡିଓ ଦେବେନ୍ଦ୍ର ପ୍ରଧାନଙ୍କ ଅଧ୍ୟକ୍ଷତାରେ ବୈଠକ ଡକାଯାଇଥିଲା । ଏଥିରେ ଗ୍ରାମ୍ୟ ଜଳଯୋଗାଣ ଓ ପରିମଳ ବିଭାଗର ନିର୍ବାହୀ ଯନ୍ତ୍ରୀ, ବିଭାଗୀୟ ଏସଡିଓ, ତହସିଲଦାରଙ୍କ ସମେତ ପ୍ରଶାସନିକ ଅଧିକାରୀମାନେ ଉପସ୍ଥିତ ଥିଲେ । ନଦୀ ବନ୍ଧରେ ମେଗା ପାନୀୟଜଳ ପ୍ରକଳ୍ପ ଫଳରେ ନଦୀ ବନ୍ଧରେ ଫାଟ ସୃଷ୍ଟି ହୋଇଛି । ତେବେ ପ୍ରଥମେ ନଦୀ ବନ୍ଧକୁ ସୁରକ୍ଷା ଓ ପରେ ପ୍ରକଳ୍ପ କାର୍ଯ୍ୟ କରାଇବାକୁ କମିଟି ଦାବି କରିଛି ।