ଦେଶରେ ରେକର୍ଡ ଭାଙ୍ଗୁଛି ଦୈନିକ ସଂକ୍ରମଣ
ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ଦେଶରେ ରେକର୍ଡ ଭାଙ୍ଗୁଛି । ଦିନକୁ ଦିନ ଉଗ୍ର ରୂପ ନେବାରେ ଲାଗିଛି । ଥମିବାର ନା ଧରୁ ନାହିଁ । ଦୈନିକ ସଂକ୍ରମଣରେ ଚଳିତବର୍ଷ ୨୦୨୦କୁ ମାତ ଦେଇଛି କରୋନା । ଆରମ୍ଭ ହୋଇଥିବା କୋରୋନାର ଦ୍ବିତୀୟ ଲହରୀରେ ଲଗାତାର ୨ ଥର ହେବ ୧ ଲକ୍ଷ ପାର କରିଛି କୋରୋନା ସଂକ୍ରମଣ । କେନ୍ଦ୍ର ସ୍ବାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରାଳୟର ରିପୋର୍ଟ ମୁତାବକ, ଦେଶରେ ଗତ ୨୪ ଘଣ୍ଟାରେ ଆସିଛି ୧ ଲକ୍ଷ ୧୫ ହଜାର ୭୬୩ଟି ପଜିଟିଭ ରିପୋର୍ଟ ।
ଯେଉଁଥିରେ ୬୩୦ ଜଣଙ୍କର ମୃତ୍ୟୁ ହୋଇଛି । ସେହିପରି ଦିନକରେ ୫୯ ହଜାର ୮୫୬ ଜଣ ସୁସ୍ଥ ମଧ୍ୟ ହୋଇଛନ୍ତି । ଯାହାକୁ ମିଶାଇ ମୋଟ ସଂକ୍ରମଣ ସଂଖ୍ୟା ୧ କୋଟି ୨୮ ଲକ୍ଷ ପାର କରିଛି । ସେହିପରି ମୋଟ ମୃତ୍ୟୁ ସଂଖ୍ୟା ୧ ଲକ୍ଷ ୬୬ ହଜାର ୧୭୭ରେ ପହଞ୍ଚିଛି । ମହାମାରୀ ଆରମ୍ଭ ଦିନଠୁ ଦିନକରେ ସର୍ବାଧିକ ମହାରାଷ୍ଟ୍ର ହେଲେ ଆକ୍ରାନ୍ତ ।