ଝୁଲନ୍ତା ଶବ ଉଦ୍ଧାର

କଣ୍ଟାମାଳ(ବଡ଼ ଖବର ବ୍ୟୁରୋ): ବୌଦ୍ଧ ଜିଲ୍ଲା ବାଉଁଶୁଣି ଥାନା ତାଳସରଡ଼ା ପଞ୍ଚାୟତ ମାନେଶ୍ୱର ଗାଁରୁ ଆସିଛି ଦୁଃଖଦ ଖବର । ବୁଧବାର ସକାଳୁ ଜଣେ ଯୁବକଙ୍କ ଝୁଲନ୍ତା ମୃତଦେହ ବିଲ ନିକଟରେ ଥିବା ଗଛରୁ ଉଦ୍ଧାର କରାଯାଇଛି । ମୃତ ଯୁବକ କ ହେଲେ ତେଲିବନ୍ଧ ପଞ୍ଚାୟତ କମଳପୁର ଗାଁର ଶ୍ରବଣ ଉର୍ମା (୧୮) । ପୋଲିସ ଶବ ଉଦ୍ଧାର କରି ବ୍ୟବଛେଦ ଲାଗି ପଠାଇଦେଇଛି ।

ପାଲା ଶିଖିବା ଲାଗି ମାନେଶ୍ୱର ଗାଁର ହରିଜନସାହିରେ ରହୁଥିଲେ ଶ୍ରବଣ । ଆଜି ସକାଳେ ତାଙ୍କ ଝୁଲନ୍ତା ମୃତଦେହକୁ ଗାଁଲୋକେ ଦେଖିଥିଲେ । ପୋଲିସ ଖବର ପାଇ ମୃତଦେହକୁ ଉଦ୍ଧାର କରି ବ୍ୟବଛେଦ ଲାଗି ପଠାଇଦେଇଛି । ପାରିପାର୍ଶିକ ସ୍ଥିତିରୁ ଶ୍ରବଣଙ୍କୁ ହତ୍ୟା କରାଯାଇଥିବା ପୋଲିସର ପ୍ରାଥମିକ ତଦନ୍ତରୁ ଜାଣିପାରିଛି । କେହି ତାଙ୍କୁ ହତ୍ୟା କରିବା ପରେ ଆତ୍ମହତ୍ୟାର ରୂପ ଦେବା ଲାଗି ଟଙ୍ଗାଇ ଦେଇଥିବା ସ୍ଥାନୀୟ ଅଞ୍ଚଳରେ ଚର୍ଚ୍ଚା ହେଉଛି । ପୋଲିସ ତଦନ୍ତ ଜାରି ରଖିଛି ।