ଶୋଭନୀୟ ଆନ୍ଦୋଳନର ନିୟନ୍ତ୍ରିକା ରୁକ୍ମଣୀ ଦେବୀ ଆଉ ନାହାନ୍ତି

କଟକ, (ବଡ଼ ଖବର ବ୍ୟୁରୋ): ଶୋଭନୀୟ ଆନ୍ଦୋଳନର ନିୟନ୍ତ୍ରିକା ତଥା କୋଣାର୍କ ଶୋଭନୀୟ ଶିକ୍ଷାଶ୍ରମର ଅଧକ୍ଷା ରୁକ୍ମଣୀ ଦେବୀ ଆଉ ନହାନ୍ତି । ୭୩ବର୍ଷ ବୟସରେ କଟକ ବିଡ଼ାନାସୀ ସ୍ଥିତ ଶୋଭନୀୟ ଆନ୍ଦୋଳନର ମୁଖ୍ୟ କାର୍ଯ୍ୟାଳୟରେ ମଙ୍ଗଳବାର ତାଙ୍କର ଦେହାନ୍ତ ହୋଇଛି । ୧୯୪୭ରେ ଭଦ୍ରକ ଜିଲ୍ଲା ଅଗରପଡ଼ାରେ ଜନ୍ମ ଗ୍ରହଣ କରିଥିଲେ ରୁକ୍ମଣୀ । ସରକାରୀ ଚାକିରି ଛାଡ଼ି ଶୋଭନୀୟ ଆନ୍ଦୋଳନର ପ୍ରତିଷ୍ଠାତା କୁମାର ଭାଇଙ୍କ ପ୍ରଥମ ଅନୁଗତ ଭାବେ ଯୋଗଦେଇଥିଲେ । ଗତ ସପ୍ତାହକ ତଳେ ଅସୁସ୍ଥତା ଅନୁଭବ କରିବାରୁ ତାଙ୍କୁ କଟକ ବିଡ଼ାନାସୀ ଆଶ୍ରମ ନିଆଯାଇ ସେଠାରେ ଚିକିତ୍ସା କରାଯାଉଥିଲା । ଆଜି ସକାଳେ ତାଙ୍କର ଦେହାନ୍ତ ହୋଇଯାଇଛି । ତାଙ୍କ ବିୟୋଗରେ ଶୋଭନୀୟ ଆନ୍ଦୋଳନ ସହ ଜଡ଼ିତ ପ୍ରତ୍ୟେକ ବ୍ୟକ୍ତି ଗଭୀର ଶୋକ ବ୍ୟକ୍ତ କରିଛନ୍ତି ।