ଭୁପେଶ ବାଘେଲ ଜାଣିଶୁଣି ଓଡ଼ିଶାକୁ ପ୍ରତାରିତ କରୁଛନ୍ତି: ଦେବୀ ମିଶ୍ର
ଭୁବନେଶ୍ୱର (ବଡ଼ ଖବର ବ୍ୟୁରୋ): ମହାନଦୀ ଜଳ ବିବାଦ ନେଇ ଛତିଶଗଡ଼ ମୁଖ୍ୟମନ୍ତ୍ରୀଙ୍କ ମନ୍ତବ୍ୟ ପରେ ଜବାବ ରଖିଛି ବିଜେଡି । ଦଳ ପକ୍ଷରୁ ପ୍ରତିକ୍ରିୟା ରଖି ବିଧାୟକ ଦେବୀ ମିଶ୍ର କହିଛନ୍ତି ଓଡ଼ିଶା କାହା ଦୟାର ପାତ୍ର ନୁହେଁ । ଆନ୍ତଃ ରାଜ୍ୟ ନଦୀ ମହାନଦୀରେ ଆମର ହକ୍ ରହିଛି । ତାହା ଆମର ନାର୍ୟ୍ୟ ହକ୍ । ୧୯୪୭ ମସିହାରେ ହୋଇଥିବା ନିୟମ ଅନୁଯାୟୀ ଆମର ଦୁଇ ତୃତୀୟାଂଶ ଜଳ ପାଇବାର ହକ୍ ରହିଛି । ଲୀନ୍ ପିରିୟଡ଼ରେ ନଭେମ୍ବରରୁ ମେ ମଧ୍ୟରେ ୨ ମିଲିୟନ ଏକର ଫୁଟ ଜଳ ଛାଡ଼ିବା ପାଇଁ ଅନୁରୋଧ କରିଥିଲେ ।
ଏ ନେଇ ଆମେ ଟ୍ରିବ୍ୟୁନାଲ ରେ ବି ଦରଖାସ୍ତ ଦେଇଛୁ । ଭୁପେଶ ବାଘେଲ ଜାଣିଶୁଣି ଓଡ଼ିଶାର ସ୍ୱାର୍ଥକୁ ପ୍ରତାରିତ କଲା ଭଳି କହୁଛନ୍ତି । ସମସ୍ତ ଆଇନ କାନୁନ ବିଧି ବ୍ୟବସ୍ଥାକୁ ଜଳାଞ୍ଜଳି ଦେଇ ଦେଇଛନ୍ତି । ଆନ୍ତଃ ରାଜ୍ୟ ନଦୀରେ ଓଡ଼ିଶାର ହକ୍ ନାହିଁ ବୋଲି ସେ କେମିତି କହୁଛନ୍ତି । କେନ୍ଦ୍ରର ଦାୟିତ୍ୱ ରହିଛି ଏହି ମାମଲାର ସମାଧାନ କରିବା କଥା କିନ୍ତୁ କେନ୍ଦ୍ର ମନ୍ତ୍ରୀ ଯେଉଁ ଭଳି କହୁଛନ୍ତି ଛତିଶଗଡ଼ ୨ ହାଜର ଏକର ଭିତରେ କରି ପାରିବ କିଛି ବେଆଇନ ହୋଇନି ତାହା ଦୁର୍ଭାଗ୍ୟଜନକ ।