‘ବାପାଙ୍କ ସ୍ୱପ୍ନକୁ ପୂରଣ କରିବି’

ଭୁୁବନେଶ୍ୱର (ବଡ଼ ଖବର ବ୍ୟୁରୋ):  ନୂଆ ବିଧାୟିକା ଭାବେ ଶପଥ ନେଲେ ଦୀପାଳି ଦାସ । ଶପଥପାଠ କରାଇଲେ ଉପବାଚସ୍ପତି । ଆଜି ସାମ୍ବିଧାନିକ ନୀତି ନିୟମ ଅନୁସାରେ ଶପଥ ନେଇଛନ୍ତି ଦୀପାଲି ଦାସ । ଶପଥ ପାଠ ପରେ ପ୍ରତିକ୍ରିୟା ରଖିଛନ୍ତି ଦୀପାଲି । କହିଛନ୍ତି ସର୍ବଦା ଝାରସୁଗୁଡାବାସୀଙ୍କ ସେବାରେ ନିଯୁକ୍ତ ରହିବି । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନିର୍ଦ୍ଦେଶ ଓ ଦଳ ପ୍ରତି ଆନୁଗତ୍ୟ ପ୍ରଦର୍ଶନ କରିବି ।

ବାପାଙ୍କ ସ୍ୱପ୍ନକୁ ପୂରଣ କରିବି । ବିକାଶ ଓ ଚିନ୍ତାଧାରାକୁ ବଞ୍ଚେଇ ରଖିବି । ଝାରସୁଗୁଡା ରାଜ୍ୟର ଏକ ନମ୍ବର ଶିଳ୍ପ ନଗରୀ । ମୋ ବାପା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନେତୃତ୍ୱରେ ସର୍ବଦା ଝାରସୁଗୁଡା ବିକାଶ କଥା ଭାବୁଥିଲେ । ସ୍ୱାସ୍ଥ୍ୟ, ଶିଳ୍ପ କଥା ଭାବିଥିଲେ । ବାପାଙ୍କ ଝାରସୁଗୁଡାର ନୂତନ ନିର୍ମାଣ ସ୍ୱପ୍ନ ସାକାର କରିବା ଦିଗରେ କାର୍ଯ୍ୟ କରିବି । ହାର୍ଟ, କ୍ୟାନ୍ସର, ଓଭର ବ୍ରିଜ ଓ ମହିଳାଙ୍କ ବିକାଶ କାର୍ଯ୍ୟ ମୁଖ୍ୟମନ୍ତ୍ରୀଙ୍କ ମାର୍ଗଦର୍ଶନରେ ପୂରା କରିବି ।