ଭଦ୍ରକ(ବଡ଼ ଖବର ବ୍ୟୁରୋ): ଆଖଣ୍ଡଳମଣିଙ୍କ ପୀଠର ବିକାଶ ମୂଳକ କାର୍ଯ୍ୟ ପାଇଁ ୨ୟ ପ୍ରର୍ଯ୍ୟାୟରେ ଶିବଗଙ୍ଗା ପୁଷ୍କରଣୀ କୂଳରୁ ୧୯ଦୋକାନ ଗୃହ ଉଛେଦ ଜାରି । ରାଜ୍ୟର ପ୍ରମୁଖ ପ୍ରର୍ଯ୍ୟଟନସ୍ଥଳୀ ତଥା ବାବା ଆଖଣ୍ଡଳମଣିଙ୍କ ପୀଠର ବିକାଶମୂଳକ କାର୍ଯ୍ୟ ପାଇଁ ରାଜ୍ୟ ସରକାରଙ୍କ ପକ୍ଷରୁ ଯୋଗାଇ ଦିଆଯାଇଛି ୬କୋଟି ଟଙ୍କା । ବାବାଙ୍କ ମନ୍ଦିରବେଢା ସମେତ ଶିବଗଙ୍ଗା ପୁଷ୍କରିଣୀର ଚତୁଃପାଶ୍ୱର୍କୁ ସୌନ୍ଦର୍ଯ୍ୟ କରଣ ପାଇଁ ଜିଲାପ୍ରଶାସନ ପକ୍ଷରୁ ହୋଇଥିଲା ବ୍ଲୁପ୍ରିଣ୍ଟ । ଉକ୍ତ ସ୍ଥାନରେ ବହୁ ଦୋକାନଗୃହ ରହିଥିବାରୁ ସୌନ୍ଦର୍ଯ୍ୟକରଣ କାର୍ଯ୍ୟ ପାଇଁ ବାଧକ ସାଜିଥିଲା । ପ୍ରଥମେ ମନ୍ଦିର ବେଢା ମଧ୍ୟରୁ ୨୦ଟି ଭୋଗ ଦୋକାନ ଉଛେଦ କରାଯାଇଥିବା ବେଳେ ଆଜି ଶିବଗଙ୍ଗା ପୁଷ୍କରିଣୀ କୂଳରେ ଥିବା ୧୯ଟି ଦୋକାନଗୃହକୁ ଉଛେଦ କରାଯାଇଛି।
