ସରକାରଙ୍କ ନିର୍ଦ୍ଦେଶ ମାନୁନାହାନ୍ତି ବ୍ୟାଙ୍କ

ଭୂବନେଶ୍ୱର, (ବଡ଼ ଖବର ବ୍ୟୁରୋ): ରାଜ୍ୟର ଓମଫେଡ ଦୁଗ୍ଧଚାଷୀଙ୍କୁ କିଷାନ କ୍ରେଡିଟକାର୍ଡ ମାଧ୍ୟମରେ ୩ଲକ୍ଷ ଟଙ୍କା ପର୍ଯନ୍ତ ବ୍ୟକ୍ତିଗତ ଋଣ ପ୍ରଦାନ ପାଇଁ କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସିତାରମଣଙ୍କୁ ଚିଠି ଲେଖିଲେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ଜଗତସିଂହପୁର ଜିଲ୍ଲା ତିର୍ତ୍ତୋଲ ବ୍ଲକ ଖଣ୍ଡାସାହି ଗ୍ରାମର ଦୁଗ୍ଧଚାଷୀ ଧ୍ରୁବ ଚରଣ ପରିଡ଼ାଙ୍କ ଅଭିଯୋଗ ଆଧାରରେ କେନ୍ଦ୍ର ଅର୍ଥମନ୍ତ୍ରୀଙ୍କୁ ଚିଠି ଲେଖିଛନ୍ତ ଧର୍ମେନ୍ଦ୍ର । କିଷାନ କ୍ରେଡିଟକାର୍ଡରେ ଓମଫେଡ ଦୁଗ୍ଧଚାଷୀଙ୍କୁ ବ୍ୟାଙ୍କୁରୁ ୩ଲକ୍ଷ ପର୍ଯ୍ୟନ୍ତ ଋଣଦେବା ପାଇଁ ବ୍ୟବସ୍ଥା ଥିଲେ ମଧ୍ୟ କୌଣସି ବ୍ୟାଙ୍କ ଋଣ ପ୍ରଦାନ କରିବା ପାଇଁ ଅମଙ୍ଗ ହେଉଛନ୍ତି । ଏଣୁ ବ୍ୟକ୍ତିଗତ ହସ୍ତକ୍ଷେପ କରି ଏହାର ସମାଧାନ କରିବା ପାଇଁ ଚିଠିରେ ନିବେଦନ କରିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ।