ଢ଼େଙ୍କାନାଳ(ବଡ଼ ଖବର ବ୍ୟୁରୋ): ସରକାରୀ ନିୟମ ଉଲ୍ଲଙ୍ଘନ ଯୋଗୁଁ ସିଲ ହେଲା ଢ଼େଙ୍କାନାଳ ଜୟଗୋପାଳସ୍ଥିତ ଶ୍ରୀକୃଷ୍ଣା ଅଲଟ୍ରା ସାଉଣ୍ଡ କ୍ଲିନିକ। ଜିଲ୍ଲାରେ ଲିଙ୍ଗ ତାରତମ୍ୟ ଉଦବେଗଜନକ ସ୍ଥିତିରେ ଥିବାରୁ ଜିଲ୍ଲାପାଳଙ୍କ ନିର୍ଦ୍ଦେଶରେ ଏହି କ୍ଲିନିକ୍ ଚଢ଼ାଉ କରାଯାଇଛି। ଯାଞ୍ଚ ବେଳେ ବ୍ୟାପକ ଅନିୟମିତତା ଥିବା ଦେଖାଯାଇଥିଲା । ଏଥିପାଇଁ କ୍ଲିନିକ୍ ମାଲିକଙ୍କୁ ସତର୍କ କରାଯାଇଥିଲେ ମଧ୍ୟ ସେ କାର୍ଯ୍ୟକାରୀ କରିବାରେ ବିଫଳ ହୋଇଥିଲେ। ଫଳରେ ଜିଲ୍ଲାପାଳଙ୍କ ନିର୍ଦ୍ଦେଶ କ୍ରମେ କ୍ଲିନିକର ଅଲଟ୍ରାସାଉଣ୍ଡ ମେସିନକୁ ସିଲ କରିଦିଆଯାଇଛି। ବେଆଇନ କାର୍ଯ୍ୟ ଜାରି ରହୁଥିଲେ ଆଇନ ଅନୁଯାୟୀ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ଜିଲ୍ଲା ପ୍ରଶାସନ ପକ୍ଷରୁ କୁହାଯାଇଛି।
