ଭୋଜି ଖାଇଲେ ମନ୍ତ୍ରୀ ବାସନ ମାଜିଲେ ଛାତ୍ରଛାତ୍ରୀ

ପୁରୀ (ବଡ଼ ଖବର ବ୍ୟୁରୋ):ସ୍କୁଲ କାର୍ଯ୍ୟକ୍ରମକୁ ଆସିଲେ ମନ୍ତ୍ରୀ ବିଧାୟକ । ଉଦଘାଟନ କଲେ ଭୋଜି ବି ଖାଇଲେ । କିନ୍ତୁ ବାସନ ମାଜିଲେ ଛାତ୍ରଛାତ୍ରୀ । ପୁରୀ ଜ଼ିଲ୍ଲା କଣାସ ବ୍ଲକର ଦୁର୍ଗାଦେବୀ ଉଚ୍ଚ ବିଦ୍ୟାଳୟରେ ଚାଲିଥିଲା ଜ଼ିଲ୍ଲା ସ୍ତରୀୟ ବିଜ୍ଞାନ ମେଳା । ଏଥିରେ ଯୋଗ ଦେଇଥିଲେ ଏଗାରଟି ବ୍ଲକର ଛାତ୍ରଛାତ୍ରୀଙ୍କ ସହ ଶିକ୍ଷକ ଶିକ୍ଷୟତ୍ରୀ । ଏହି ମେଳାର ଉଦଘାଟନ ଉତ୍ସବର ମୁଖ୍ୟ ଅତିଥି ଥିଲେ ପ୍ରଯୁକ୍ତି ବିଜ୍ଞାନ ଓ ସାମାଜିକ ଭିନ୍ନକ୍ଷମ ବିଭାଗର ମନ୍ତ୍ରୀ ଅଶୋକ ଚନ୍ଦ୍ର ପଣ୍ଡା । ଏବଂ ଜିଲ୍ଲା ଶିକ୍ଷା ଅଧିକାରୀ, ମଣ୍ଡଳ ଶିକ୍ଷାଅଧିକାରୀ ଓ ସ୍ଥାନୀୟ ବିଧାୟକ ମଧ୍ୟ ଉପସ୍ଥିତ ଥିଲେ । ଉଦଘାଟନ ସମୟ ୧୦ ଥିବାବେଳେ ମେଳାର ଉଦଘାଟନ ହୋଇଥିଲା ମଧ୍ୟାହ୍ନ ସାଢେ ଗୋଟେରେ । ଘଣ୍ଟା ଘଣ୍ଟା ଧରି ଡହ ଡହ ଖରା ଭୋକ ଉପାସରେ ମନ୍ତ୍ରୀଙ୍କୁ ଅପେକ୍ଷା କରିଥିଲେ ୧୧ଟି ବ୍ଲକର ଛାତ୍ରଛାତ୍ରୀ ।   ମେଳା ସରିଲା ମନ୍ତ୍ରୀ ଖାଇଲେ ବିଧାୟକ ଖାଇଲେ କୁଜି ନେତା ବି ଖାଇଲେ ଶିକ୍ଷକ ଶିକ୍ଷୟତ୍ରୀ ଖାଇଲେ କିନ୍ତୁ ଶୀତ ରାତିରେ ଦୟା ନଦୀରେ ବାସନ ମାଜିଲେ ଛାତ୍ର ଛାତ୍ରୀ । ଟର୍ଚ୍ଚ ଦେଖାଇଲେ ଖୋଦ ହିନ୍ଦୀ ଶିକ୍ଷକ । ଏଠି ପ୍ରଶ୍ନ ଉଠୁଛି ହିନ୍ଦୀ ଶିକ୍ଷକ ଜଣଙ୍କ କାହା ନିର୍ଦ୍ଦେଶରେ ଘନ ଅନ୍ଧାରର ଶୀତ ରାତିରେ ଛାତ୍ରଙ୍କୁ ବାସନ ମଜାଇଲେ? ଏହା ସୋସିଆଲ ମିଡ଼ିଆରେ ଭିଡ଼ିଓ ଭାଇରାଲ ହେଲା ପରେ ଏଵେ ଏହାକୁ ନେଇ ଚର୍ଚ୍ଚା ଜୋର ଧରିଛି । ରାଜ୍ୟ ସରକାର ଶିକ୍ଷାକୁ ଗୁରୁତ୍ୱ ଦେଉଥିବା ବେଳେ ଛାତ୍ରଛାତ୍ରୀଙ୍କ ପ୍ରତି ଏତେ ଅବେହେଳା କାହିଁକି?