ଅଭ୍ୟନ୍ତରୀଣ କାର୍ଯ୍ୟରେ ହସ୍ତକ୍ଷେପ କରନାହିଁ : ଏନ ବିରେନ ସିଂ

ଇମ୍ଫାଲ (ବଡ଼ ଖବର ବ୍ୟୁରୋ):  ଥମୁନି ମଣିପୁର ହିଂସା । ଦିନକୁ ଦିନ ହିଂସା ଉଗ୍ରରୂପ ନେବାରେ ଲାଗିଛି । ଏହି ହିଂସାକୁ ନେଇ ମୁଖ୍ୟମନ୍ତ୍ରୀ ଏନ ବିରେନ ସିଂ ପଡୋଶୀ ରାଜ୍ୟ ମିଜୋରାମକୁ ଆଭ୍ୟନ୍ତରୀଣ କାର୍ଯ୍ୟରେ ହସ୍ତକ୍ଷେପ ନ କରିବାକୁ ପରାମର୍ଶ ଦେଇଛନ୍ତି। ସେ କହିଛନ୍ତି, ମିଜୋରାମ ଅନ୍ୟ କୌଣସି ରାଜ୍ୟର ଆଭ୍ୟନ୍ତରୀଣ କାର୍ଯ୍ୟରେ ହସ୍ତକ୍ଷେପ କରିବା ଉଚିତ ନୁହେଁ। ମଣିପୁରର କୁକି ସମ୍ପ୍ରଦାୟ ପାଇଁ ଆୟୋଜିତ ଏକତା ସମାବେଶରେ ମିଜୋରାମ ମୁଖ୍ୟମନ୍ତ୍ରୀ ଜୋରାମଥାଙ୍ଗା ଅଂଶଗ୍ରହଣ କରିଥିଲେ।

ବିରେନ ସିଂ ୨୪ତମ କାରଗିଲ ବିଜୟ ଦିବସରେ ଏକ କାର୍ଯ୍ୟକ୍ରମକୁ ସମ୍ବୋଧିତ କରି ସେ କହିଛନ୍ତି, ଡ୍ରଗ ଚୋରା ଚାଲାଣକାରୀ ତଥା ବେଆଇନ ଭାବେ ରାଜ୍ୟ ଭିତରକୁ ପ୍ରବେଶ କରିଥିବା ଲୋକଙ୍କ ବିରୋଧରେ କାର୍ୟ୍ୟାନୁଷ୍ଠାନ ଗ୍ରହଣ କରିବା ପରେ ରାଜ୍ୟରେ ଏହି ପରିସ୍ଥିତି ଉପୁଜିଛି। ମଣିପୁର ସରକାର କୁକି ସମ୍ପ୍ରଦାୟର ବିରୋଧୀ ନୁହଁନ୍ତି। କିଛି ଲୋକ ମଣିପୁରର ଅଖଣ୍ଡତାକୁ ନଷ୍ଟ କରିବାକୁ ଚେଷ୍ଟା କରୁଛନ୍ତି।