ପାନୀୟ ଜଳର ଉତ୍କଟ ସମସ୍ୟା

ଯାଜପୁର (ବଡ଼ ଖବର ବ୍ୟୁରୋ): ଶ୍ରାବଣ ସାରିବାକୁ ବସିଥିବା ବେଳେ ପାନୀୟ ଜଳ ପାଇଁ ଘାଣ୍ଟି ହେଉଛନ୍ତି ଲୋକେ। ଏଭଳି ସମସ୍ୟା ନେଇ ଆଜି ଧର୍ମଶାଳା ବ୍ଲକ୍ କାର୍ୟ୍ୟାଳୟରେ ଗରା ମାଠିଆ ଧରି ଧାରଣା ଦେଇଛନ୍ତି ସ୍ଥାନୀୟ ଯାଜପୁର ଜିଲ୍ଲା, ଧର୍ମଶାଳା ବ୍ଲକ୍, ଗଡ଼ ମଧୁପୁର ପଞ୍ଚାୟତ ଜାମୁଝରି ସାହିର ଅନେକ ମହିଳା। ବର୍ଷା ଦିନରେ ପାନୀୟ ଜଳର ଉତ୍କଟ ସମସ୍ୟାରେ ଘାଣ୍ଟି ହେଇଥିବା ଅଭିଯୋଗ କରି ଘଣ୍ଟା ଏ ରୁ ଅଧିକ ସମୟ ଧରି ବିଡ଼ିଓ ଙ୍କ କାର୍ୟ୍ୟାଳୟ ସମ୍ମୁଖରେ ବସି ରହିଥିଲେ। ଏହି ମହିଳାମାନେ ଆଜି ଗରା ବାଲଟି ଧରି ବ୍ଲକ ଅଫିସରେ ପହଞ୍ଚିବା ସହିତ ନିଜ ସମସ୍ୟା ନେଇ ବିଡିଓଙ୍କୁ ଅବଗତ କରାଇଛନ୍ତି। ତେବେ ଜାମୁଝରି ଗ୍ରାମରେ ତିରିଶରୁ ଅଧିକ ପାରିବାର ଦୀର୍ଘ ଦିନ ଧରି ବସବାସ କରୁଥିବା ବେଳେ ପାନୀୟ ଜଳ ସମସ୍ୟା ଭୋଗିବାକୁ ପଡୁଛି ବୋଲି ଅଭିଯୋଗ କରିଛନ୍ତି। କେବଳ ଯାମୁଝରି ନୁହେଁ ଉକ୍ତ ପଞ୍ଚାୟତର ଶତାଧିକ ମହିଳା ଦୁଇ ମାସ ପୂର୍ବରୁ ସମାନ ଢଙ୍ଗରେ ପ୍ରତିବାଦ କରି ଥିଲେ । ଯାହାର ଦିନ କେତେଟା ପରେ ଆଜି ସେଇ ସମସ୍ୟା। ତେବେ ବିଡ଼ିଓ ଆସନ୍ତା ଚାରିଦିନ ଭିତରେ ସମସ୍ୟାର ସମାଧାନ କରିବେ ବୋଲି ପ୍ରତିଶ୍ରୁତି ଦେଇଛନ୍ତି।