ବଜ୍ରପାତରେ ବାପ ପୁଅ ମୃତ, ଜଳିଗଲା ବାଇକ
ଜଗତସିଂହପୁର (ବଡ଼ ଖବର ବ୍ୟୁରୋ): ବଜ୍ରପାତ ରେ ବାପ ଓ ପୁଅ ମୃତ ଜଳିଗଲା ବାଇକ୍, ଦୁଇ ମୃତକ ହେଲେ ନାଉଗାଁ ବ୍ଲକ ଅନ୍ତର୍ଗତ ଶିଖର ପଞ୍ଚାୟତର ଅଙ୍ଗେସ୍ଵରପଡା ଗ୍ରାମର ରାଜ କିଶୋର କାଣ୍ଡି ଓ ପୁଅ ଆଶୁତୋଷ କାଣ୍ଡି। ବାପା ରାଜକିଶୋର କାଣ୍ଡି ଦିନ ମଜୁରିଆ ଭାବେ କାମ କରନ୍ତି କାମ ସାରି ନିଜ ଘରକୁ ଫେରୁଥିବା ବେଳେ ପ୍ରବଳ ଜୋରରେ ବର୍ଷା ହେବାରୁ ପୁଅକୁ ଫୋନ୍ କରି ଡାକିଥିଲେ ତାଙ୍କୁ ନେବା ପାଇଁ। ପୁଅ ଆଷୁତୋଷ ନିଜର ବାଇକ୍ ନେଇ ବାପାଙ୍କୁ ଆଣିବା ପାଇଁ ଯାଇଥିଲେ ଏବଂ ବାପାଙ୍କୁ ଆଣିକି ଆସିବା ବାଟରେ ସୁନିଦା ଦେବୀ ନଦୀ ବନ୍ଧରେ ଫେରୁଥିବା ବେଳେ ବଜ୍ରପାତରେ ଦୁହିଁଙ୍କର ମୃତ୍ୟୁ ଘଟିଛି। ଯାହାକୁ ନେଇ ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳିଯାଇଛି।