ଭାରତ ଫେରିଲେ ଅଦର ପୁନାୱାଲାଙ୍କ ସୁରକ୍ଷା ବ୍ୟବସ୍ଥା ସୁନିଶ୍ଚିତ କର: ବମ୍ବେ ହାଇକୋର୍ଟ

ମୁମ୍ବାଇ(ବଡ଼ ଖବର ବ୍ୟୁରୋ): ଅଦର ପୁନାୱାଲା ଭାରତ ଫେରିବେ । ତେବେ ଏହା ଆଗରୁ ତାଙ୍କ ସୁରକ୍ଷା କଥା ଚିନ୍ତା କରିବାକୁ ମହାରାଷ୍ଟ୍ର ସରକାରଙ୍କୁ କହିଛନ୍ତି ବମ୍ବେ ହାଇକୋର୍ଟ । ସିରମ ଇନଷ୍ଟିଚ୍ୟୁଟର ସିଇଓ ଅଦର ପୁନାୱାଲାଙ୍କୁ ଟିକା ଯୋଗାଣ ନେଇ ବହୁ ଧମକ ପୂର୍ଣ୍ଣ କଲ ଓ ମେସେଜ ଆସୁଥିବା ଅଭିଯୋଗ କରି ସେ କିଛିଦିନ ତଳେ ଇଂଲଣ୍ଡ ଚାଲିଯାଇଥିଲେ ।

ବିଚାରପତି ଏସଏସ ସିନେ୍ଧ ଓ ଅଭୟ ଆହୁଜାଙ୍କୁ ନେଇ ଗଠିତ ଏକ ବେଞ୍ଚ କହିଛନ୍ତି ଯେ, କରୋନା ନିରୋଧୀ ଟିକା ଉତ୍ପାଦନ କରି ପୁନାୱାଲା ଦେଶ ଲାଗି ମହାନ ସେବା କରୁଛନ୍ତି । ତେଣୁ ତାଙ୍କ ସୁରକ୍ଷା ପାଇଁ ରାଜ୍ୟ ସରକାର ଧ୍ୟାନଦେବା ଆବଶ୍ୟକ । ପୁନାୱାଲାଙ୍କୁ ଜେଡ+ ସିକ୍ୟୁରିଟି ଯୋଗାଇବାକୁ କୋର୍ଟରେ ପିଟିସନ ଦାଖଲ ହୋଇଥିଲା ଯାହାର ଶୁଣାଣି କରି କୋର୍ଟ ଏପରି କହିଛନ୍ତି ।