ନ୍ୟାୟ ପାଇଁ ଏସପିଙ୍କ କାର୍ଯ୍ୟାଳୟ ଆଗରେ ଅନଶନ

ଯାଜପୁର (ବଡ଼ ଖବର ବ୍ୟୁରୋ): ପଲିଟେକନିକ କଲେଜ ଛାତ୍ରୀ ରୋଜାଲିନ ପାତ୍ର ହତ୍ୟା ଘଟଣା ର ତିନି ମାସ ପୁରିଯାଇଥିଲେ ମଧ୍ୟ ଅଭିଯୁକ୍ତଙ୍କୁ ଗିରଫ କରାଯାଇନଥିବାରୁ ଏବଂ ପୋଲିସ କୌଣସି ପଦକ୍ଷେପ ନନେଉଥିବାରୁ ଏହାର ପ୍ରତିବାଦରେ ଆଜି ଯାଜପୁର ଏସପିଙ୍କ କାର୍ଯ୍ୟାଳୟ ସାମ୍ନାରେ ପରିବାର ଲୋକଙ୍କ ସମେତ ସ୍ଥାନୀୟ ଅଞ୍ଚଳ ର ଶତାଧିକ ଲୋକ ଗଣ ଅନଶନ କରିଛନ୍ତି କ୍ଷ ସୂଚନା ମୁତାବକ ଗତ ମାର୍ଚ୍ଚ ୨୮ ତାରିଖରେ ଯାଜପୁର ରଗଡି ପଲିଟେକନିକ କଲେଜର ଇଲେକ୍ଟ୍ରିକାଲ ୩ୟ ବର୍ଷ ର ଛାତ୍ରୀ ରୋଜାଲିନ ପାତ୍ରଙ୍କ ମୃତଦେହ ଉକ୍ତ କଲେଜ ହଷ୍ଟେଲରୁ ଝୁଲନ୍ତା ଅବସ୍ଥାରେ ଉଦ୍ଧାର କରାଯାଇଥିଲା।

ଘଟଣା କୁ ୩ ମାସ ବିତିଯାଇଥିଲେ ମଧ୍ୟ ଆଜି ଯାଏଁ ଅଭିଯୁକ୍ତକୁ ଗିରଫ କରି ପାରୁନି ପୋଲିସ। ଯାଜପୁର ପୋଲିସ ର ଦାୟିତ୍ୱ ହୀନତା ପ୍ରତିବାଦ ରେ ଆଜି ଯାଜପୁର ଏସପିଙ୍କ ପାଣିକୋଇଲି ସ୍ଥିତ କାର୍ଯ୍ୟାଳୟ ସମ୍ମୁଖରେ ମୃତାଛାତ୍ରୀ ଙ୍କ ପରିବାର ଲୋକେ ଗଣ ଅନଶନ କରିଛନ୍ତି। ଯଦି ଆଗାମୀ ଦିନ ରେ ପୋଲିସ ଘଟଣା ର ଉପଯୁକ୍ତ ତଦନ୍ତ କରି ଅଭିଯୁକ୍ତଙ୍କୁ ଗିରଫ ନ କରେ ତାହେଲେ ଆମେ ପୁର୍ନର୍ବାର ଏସପିଙ୍କ କାର୍ୟ୍ୟାଳୟ ସମ୍ମୁଖରେ ଆମରଣ ଅନଶନ କରିବୁ ବୋଲି ଚେତାବନୀ ଦେଇଛନ୍ତି ଗ୍ରାମବାସୀ ଓ ପରିବାର ଲୋକେ।