ଗରିବ ଛାତ୍ରଛାତ୍ରୀଙ୍କୁ ଫେଲୋସିପ୍, ଦଶ ଲକ୍ଷ ଟଙ୍କା ଶିକ୍ଷା ଋଣ
ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ଦିଲ୍ଲୀ ସରକାର ଶିକ୍ଷା କ୍ଷେତ୍ରରେ ଆଉ ଦୁଇ ପାଦ ଆଗକୁ ବଢିଛନ୍ତି । ଛାତ୍ରଛାତ୍ରୀ ମାନେ ଯେମିତି କୌଣସି ଅସୁବିଧାର ସମ୍ମୁଖୀନ ନ ହେବେ ସେନେଇ କେଜ୍ରିୱାଲ ସରକାର ଏକ ବଡ଼ ପଦକ୍ଷେପ ନେଇଛନ୍ତି । ଛାତ୍ରଛାତ୍ରୀଙ୍କୁ ଦଶ ଲକ୍ଷ ଟଙ୍କା ପର୍ଯ୍ୟନ୍ତ ଶିକ୍ଷା ଋଣ ପ୍ରଦାନ କରିବାକୁ ନିଷ୍ପତ୍ତି ନେଇଛନ୍ତି। କେବଳ ଏତିକି ନୁହେଁ ଉଚ୍ଚଶିକ୍ଷା କ୍ଷେତ୍ରରେ ମଧ୍ୟ ଛାତ୍ରଛାତ୍ରୀଙ୍କ ପାଇଁ ସରକାର ଏକ ଉତ୍ତମ କାର୍ଯ୍ୟ କରିଛନ୍ତି। ଛାତ୍ରଛାତ୍ରୀ ସମ୍ମୁଖୀନ ହେଉଥିବା ଆହ୍ୱାନକୁ ଦିଲ୍ଲୀ ସରକାର ପ୍ରାୟ ଦୂର କରିଦେଇଛନ୍ତି। ଏହା ବ୍ୟତୀତ ୬ ଲକ୍ଷ ଟଙ୍କାରୁ କମ୍ ଆୟ ଥିବା ପରିବାରର ଛାତ୍ରଛାତ୍ରୀମାନଙ୍କୁ ଫେଲୋସିପ୍ ଦିଆଯାଉଛି, ଯାହା ମୋଟ ଫି ସହିତ ସମାନ । ଯାହା ଦ୍ୱାରା ଛାତ୍ରଛାତ୍ରୀମାନେ ସହଜରେ ଅଧ୍ୟୟନ ସମାପ୍ତ କରିପାରିବେ।
ଦିଲ୍ଲୀର କେଜ୍ରିୱାଲ ସରକାର କହିଛନ୍ତି ଯେ ଟଙ୍କା ହେତୁ କୌଣସି ଛାତ୍ରଛାତ୍ରୀ ପାଠପଢାରୁ ବଞ୍ଚିତ ହେବା ଉଚିତ ନୁହେଁ। ଏଥିପାଇଁ ସେମାନଙ୍କ ତରଫରୁ ଏକ ମହତ୍ୱପୂର୍ଣ୍ଣ ପଦକ୍ଷେପ ଆରମ୍ଭ ହୋଇଛି ।